امیرعبداللهیان قیزلارین ائیتیم آلماسی اوچون شرایط یارادیلماسیندا طالبانا یاردیم گؤستردیگی باره‌ده بیلگی وئریب
ایران ایسلام جمهورییتی‌نین خاریجی ایشلر ناظری حسین امیرعبداللهیان طالبانین خاریجی ایشلر ناظری وظیفه‌‌‌سینی ایجرا ائدن شخصله گؤروشرکن دئییب: افقانیستانداکی طالبان حؤکومتی‌نین قیزلارین ائیتیم و ائیتیم ساحه‌‌‌سینده لازیمی شریعت اساسلاری‌نین تعمین ائدیلمه‌سی ایله باغلی ناراحاتلیقلاری “باشا دوشه بیلر” و ایسلام جمهورییتی بو ساحه‌‌‌ده طالبانا یاردیم ائتمه‌یه حاضردیر.
امیرعبداللهیان اؤزبکیستانین سمرقند شهرینده ایران، روسیا، چین و پاکیستان خاریجی ایشلر ناظرلری‌نین افقانیستان اوزره دؤردطرفلی گؤروشو زامانی دئییب: ایسلام جمهورییتی طالبانا “قیزلار اوچون ائیتیم شرایطی‌نین یارادیلماسی” اوچون یاردیم ائتمه‌یه حاضردیر. آنجاق طالبانا بو یاردیمی نئجه گؤستره‌جه‌یینی ایضاح ائتمه‌ییب.
افقانیستاندا طالبانین یئنیدن چؤکوشوندن سونرا بو ایسلامی قروپ قادینلارین ائیتیمی و ایشله تعمین اولونماسینا گئنیش محدودیتلر قویوب.
ایسلام جمهورییتی‌نین خاریجی ایشلر ناظری بو سؤزلری ایران مکتبلرینده آردیجیل زهرلنمه‌لرین نووروز بایرامیندان سونرا دا داوام ائتدیگی بیر واختدا دئییب.
سمرقند گؤروشو افقانیستانا قونشو دؤولتلرین طالبانین حاکیمیتی اله کئچیرمه‌سیندن سونرا بو اؤلکه‌دکی دوروملا باغلی دؤردونجو گؤروشودور.
