“افشار اورمو خانلیقی‌نین قیسا تاریخی و آزربایجان میللی دؤولتی‌نین قورولوشو” مجید جوادی (پی دی اف فایلی)
آزربایجانلی آکتیویست مجید بیک جوادی‌نین قلمیندن چیخان بو دیرلی اثر، اورمیهده اینتیشار تاپدی.
بو کیتاب قیساجا اورمیهده افشار ائلینین ۱۰۰ ایللرجه اورمو اؤلکه سینه، موقتدیر بیر حاکمیت سورمه‌سی و قوزئی دن گونئی قدر افشار اورمو ائلینین آزربایجانین ایستیقلالی اوچون چابالارینی آنلادمیشدیر .
مجید بیک جوادی بو کیتاب حقینده یازیب: طبیعی اولاراق، بو کیتابین بیرینجی نشرینده، قوصورلار اولا بیلر . دیگر نشرلرده چالیشیلاجاق کی بو نوقصانلار رفع اولونا و داها قاپساملی بیر کیتاب حالینه گله. بونا گؤره سایین اوخورلاردان ایسته‌ییرم کی افشار اورمو خالیقی حاقدا هر هانگی بیز یازی و یا سند اللرینده اولسا ، یازارلا پایلاشسینلار.
اورمو اؤلکه سیندن مقصد اورمو گؤلونون غرب بولگه‌سی‌نین بوتونودور. دئموگرافیک قورولوشو نظرده آلمایاراق، بوتون تاریخی سندلره گؤره بو بؤلگه آزربایجانین تمل جزئلریندن اولموشدور. بیر چوخ فرقلی نظریه‌لره گؤره؛ تورکلر آزربایجانین غربینده، مین ایللیک بیر قدمت‌لری واردیر . اما آیدین‌دیرکی، غزنوی‌‌لر، سلجوقلار ومغوللار دؤنمینده، اوچ دالغا گؤچ سیراسیندا، آزربایجان‌دا تورکلرین وارلیغی، خصوصاً اورمو گؤلونون غربی سواحیلنده داها دا چوخالیر .
قیزیلباش ائلاتینین ان گوجلو ائلی اولان ” افشار ائلی” بویوک شاه عباس طرفیندن اورمو اؤلکه‌سینه اعزام اولوندو وبئله‌لیکله آزربایجان‌نین غرب بؤلگه‌سی، قطعی شکیلده افشار ترکمانلارینین حاکمیتی الینه دوشدو.
گرچه بوتون بو دؤنملرده تورک اولمایان ائتنیک قوروبلار؛ کوردلر، ارمنیلر و آشوریلر کیمی بو بؤلگه ده یاشییردیلار .هر نه قدر بللی مقطع‌لرده آرالاریندا چاتیشما اولسادا، بیر چوخ واخت بیرلیکده یاشارلار و قارشیلیغلی علاقه‌ده اولموشلار. خصوصاً افشارلارین حاکمیتی آلتیندا اولان اورمو شهری ایندیکی شکیلینی تاپیر و گونوموزده شهرین هر گوشه سینده بیگلر بیگلری و افشار خانلارینین یادیگارلاری گؤرونور.
افشار ارومی‌ده آزربایجان تورک کیملیگی هر زامان اون پلانا چیخمیشدیر . ائله کی۳ دؤنمده چالیشرلارکی بیر چئشیت آزربایجان‌نین میللی حاکمیتینی تاسییس ائده‌لر و بو یؤنده چوخلو باشاریدا الده ائدیدلر.
بو اثرده چالیشیلیب کی: آز بیله اولسا وطنیمیزین حساس اولان تاریخی بیر دؤنمینه ایشیق توتا، کی عمداً کولگه‌ده ساخلانیلدی.
