اعتراضچی یئنی‌یئتمه نیروانا تربتی‌نژاد، حبس جزاسینا محکوم ائدیلیب
گرگانلی یئنی‌یئتمه نیروانا تربتی‌نژاد، سیاسی اتهاملارلا حبس و پول جزاسینا محکوم ائدیلیب.
اینسان حاقلاری قایناقلاری‌نین بازار گونو، ۱۷ دی وئردیگی بیلگیلره گؤره، حاکم عابدی‌نین باشچیلیق ائتدیگی گرگان جینایت محکمه‌‌سی‌نین ۵-جی شؤبه‌سی ۱۷ یاشلی نیروانا تربتی‌نژادی ۱۰ آی حبس و ۲ میلیون تومن جریمه‌یه محکوم ائدیب.
گرگان جینایت محکمه‌‌سی بو یئنی‌یئتمه‌یه قارشی “رژیمه قارشی تبلیغات آپارماق”، “اؤلکه‌نین گوونلیگینی پوزماق مقصدی ایله قروپلارا عضو اولماق” و “بیر‌لشمک و ال‌بیر اولماق” کیمی اتهاملار اعلان ائدیب.
نیروانا تربتی‌نژاد، بو ایل ۱۹ شهریورده و عومومی اعتراضلارین ایل‌دؤنومو عرفه‌‌سینده گرگان شهرینده گوونلیک گوجلری طرفیندن حبس ائدیلیب، دیندیریلمک و اتهاملارین ایضاحی اوچون گرگانداکی امیرآباد حبس‌خاناسینا آپاریلیب.
بیلگیلره گؤره، مامورلار نیروانانین ۱۳ یاشلی باجیسی “آدرینا”نی چاغیریب و دیندیریلدیکدن سونرا سربست بوراخیبلار.
نیروانا تربتی‌نژاد، نهایت مهر آییندا ۵۰۰ میلیون تومن گیروو قارشیلیغیندا حبسدن آزاد ائدیلیب.
اینسان حاقلاری قایناقلاری‌نین بیلدیردیگینه گؤره، گرگانلی بو یئنی‌یئتمه تکاداملیق حوجره‌ده ساخلاندیغی اوچون ساخلاندیغی مدتده ایلتیهاب و انفکسیوندان اذيت چکیب و تجرید‌خانادا گؤزلری باغلی دورومدا اوزون مدت دیندیریلیب.
