اعتراضچیلارین حوقوقلارینی ساوونان وکیل بابک پاک‌نیانین اوزرنده تضییق واردیر
وکیل باباک پاک‌نیا “قادین، حیات، آزادلیق” اعتراضلاری زامانی حبس اولونان مووکیلی‌نین پرونده‌سی ایله باغلی بیلگی وئردیگی اوچون بیلدیریش الاراق وکیللر بیرلیگی اینتیظام ساوجیلیغینا چاغیریلیب.
۸ بهمن ۱۴۰۳-جو ایل بازار ائرته‌سی بو خبری آچیقلایان جناب پاک‌نیا ایکس سوسیال شبکه‌سینده‌کی صفحه‌‌‌سینده یازیب: “وکیللره نظارت و تفتیش ایداره‌سی، محکمه‌نین حوقوق موشاویرلری بیلگی مرکزی‌نین راپورونا اساساً، ۱۴۰۱-جی ایل اعتراضلارینداکی موتهیملردن بیری‌نین پرنده‌سی حاققیندا بیلگی پایلاشدیغیم اوچون، وکیللر بیرلیگینه منه قارشی تعقیب قرارینی وئریب”.
بو اینسان حاقلاری وکیلی دئییب: “اینسانلارا قانونو باشا سالماق وکیله یاراشمازمی؟ بیز دؤولتین وکیلی‌ییک؟! گؤرونور، بو آداملار وکیل آندی‌نین متنی ایله حاکم آندی‌نین متنینی صحو سالیبلار! بوندان باشقا، سیز کیمین الی آلتیندا چالیشیرسیز؟ “محکنه موشاویرلری مرکزی‌نین؟”
جناب پاک‌نیانین اؤزونون حبس کئچمیشی وار و محمدجواد وفایی ثانی، امیرحسین مرادی، سعید تمجیدی و محمد رجبی ده داخیل اولماقلا، بیر چوخ سیاسی محبوس و موتهیملرین پرونذه‌سینی تمثیل ائدیب.
ایران ایسلام جمهورییتی‌نین محکمه اورقانلاری طرفیندن وکیللر و حوقوق اوزمانلارینا قارشی تضییقلر و اونلارا قارشی پرونده‌لرین آچیلماسی سون ایللرده گوجله‌نیب. دادبان حوقوق موشاویره مرکزی بیلدیریب کی، سون گونلر ایراندا وکیللره قارشی تضییقلر یئنیدن اؤنملی درجه‌‌‌ده آرتیب و بیر سیرا حوقوقچولار، اؤزللیکله ده اینسان حاقلاری وکیللری گوونلیک و اطلاعات اورقانلاری و یا محکمه اورقانلاری طرفیندن چاغیریلیب.
Iranwire
