اطلاعات ناظرلیگی گوجلری نازیلا معروفیان‌ین ائوینه هوجوم ائدیب
۱۳ تیر ۱۴۰۲ سحر ساعتلاریندا ایسلام جمهورییتی‌نین اطلاعات ناظرلیگی‌نین گوجلری ژورنالیست نازیلا معروفیان‌ین ائوینه باسقین ائده‌رک اونون بوتون ایله‌تیشیم واسطه‌‌‌لرینی، او جومله‌‌‌دن بیلگی‌سایار و موبیل تلفونونو اله کئچیریب. اطلاعات ناظرلیگی‌نین گوجلری نازیلا معروفیانا بیلدیریبلر کی، بو ژورنالیست ۱۷ تیر شنبه گونو اوین محکمه‌‌سینه گئتمه‌لیدیر.
۱۴۰۱-جی ایلین عومومی اعتراضلاری زامانی نازیلا معروفیان مهسا امینی‌نین آتاسی امجد امینی ایله دانیشدیقدان سونرا حبس ائدیلدی و ایکی ایل حبس جزاسینا محکوم ائدیلدی. بو ژورنالیست ۱۴۰۱-جی ایل ۱۹ دی گونو ۷۲ گونلوک حبسدن سونرا ۶۰۰ میلیون تومن گیروو قارشیلیغیندا ورامینین قرچک حبس‌خاناسیندان مووقتی اولاراق بوراخیلمیشدیر.
ایسلام جمهورییتی‌نین اطلاعات ناظرلیگی‌نین ان آزی ۱۵ گوونلیک گوجونون هوجومو و نازیلا معروفیان‌ین اشیالاری‌نین موصادیره ائدیلمه‌سی بو ژورنالیستین ایسلام جمهورییتی‌نین ایداره‌چیلیگینه و حؤکومتین قادین دوشمانلیغینا اعتراض ائتدیگی بیر واختدا باش وئردی. تیرین ۱۲-ده او باشقا قادینلاردان بیر سیرا توییتلرده “قورخو” سببییله حکایه‌‌لرینی آچیقلاماقدان قورخمامالارینی ایسته‌دی.
