اصغر فرجی اوین حبس‌خاناسیندان سربست بوراخیلیب ۵ مهر ۱۴۰۳
بو آذربایجانلی فعال داها اؤنجه تهران اینقیلاب محکمه‌‌سی طرفیندن ۱۷ ایل ۴ آی حبس و ۲ ایل سورگون جزاسینا محکوم ائدیلسه ده، تئمییز محکمه‌‌سینده اونون جزاسی ۵ ایله ائندیریلیب.
جزاسی‌نین ۲ ایل ۳ آیینی چکدیکدن سونرا جناب فرجی سون عومومی عفو چرچیوه‌سینده حبسدن آزاد ائدیلیب.
بو آذربایجانلی فعالین محکمه‌‌سی زامانی وئریلن اتهاملاردان بیری ده شخصی خاطیره‌لرینی تورکجه و لاتین قرافیکاسی ایله یازماسی اولوب.
اورگینده پروبلئم و بئل آغریلارینا باخمایاراق، فرجی طبی مرخصی‌دن محروم ائدیلیب و توپلام بیر دفعه اوچ گونلوک مرخصی‌یه گؤندریلیب.
