اشکان سعادت مهر اورمیه مرکزی حبس‌خاناسیندا بلیرسیز دورومدا ساخلانیلیر
اورمیه ساکینی اولان تورک مدنی فعال اشکان سعادت مهر هله ده اورمیه مرکزی حبس‌خاناسیندا بلیرسیز دورومدا ساخلانیلیر.
اشکان سعادت مهرین یاخینلاری‌نین وئردیگی بیلگیلره گؤره، بو مدنی فعال محکمه‌نین ایلکین مرحله‌‌‌سینده ایسلام جمهورییتینه قارشی تبلیغات آپارماق و موقدسلری تحقیر ائتمک ایله اتهام ائدیلیب و ایشین موستنطیقی محکمه‌یه قدر کئچیجی سربست بوراخیلما قراری وئرمکدن امتناع ائدیر.
اشکان سعادت مهر ۲۹ شهریور ۱۴۰۲-جی ایل چارشنبه گونو ایش یئرینده گوونلیک گوجلری طرفیندن حبس ائدیلمیش و ۴ مهرده اطلاعات ایداره‌سی‌نین تجرید‌خاناسیندان اورمیه مرکزی حبس‌خاناسینا کؤچورولموشدور.
بوندان اؤنجه اشکان سعادت مهر ۲ مهر ۱۴۰۱-ده عومومی اعتراضلار ایله عینی واختدا حبس ائدیلمیش و ۴ مهرده کئچیجی اولاراق سربست بوراخیلمیشدیر.
