اشکان سعادت‌مهر اورمیه اینقیلاب محکمه‌‌سینه چاغیریلیب
تورک مدنی فعال اشکان سعادت‌مهر ایران محکمه سیستمی‌نین الکتروه سیستمی (ثنا) واسطه‌‌‌سیله آلدیقلاری بیلدیریشه اساساً، ۱۵ آذرده اورمیه اینقیلاب محکمه‌‌سی‌نین ایکینجی شؤبه‌سینده چیخیش ائده‌جک.
بو آذربایجانلی فعالین محکمه سورجی‌نین ایلکین مرحله‌‌‌سینده اتهامی “ایسلام جمهوریتینه قارشی تبلیغات و موقدسلری تحقیر ائتمک” اولاراق بیلدیریلمیشدی.
اشکان سعادت‌مهر ۲۹ شهریور ۱۴۰۲-جی ایل چارشنبه گونو ایش یئرینده گوونلیک گوجلری طرفیندن حبس ائدیلمیش و ۴ مهرده اطلاعات ایداره‌سی‌نین تجرید‌خاناسیندان اورمیه مرکزی حبس‌خاناسینا کؤچورولموشدور و داها سونرا ۱ میلیار تومن گیروو قارشیلیغندا سربست بوراخیلمیشدیر.
اشکان سعادت‌مهرین اینستاگرام صفحه‌‌‌سی دونن، ۵ آذر گونو “بو صحیفه جینایت و گوونلیک قارشیتی فعالیتینه گؤره محکمه قراری آلیناراق بلوکلانیب و ادمینلرینه قارشیلیق وئریلیب“، باشلیقلی یازی ایله باغلانیب.
بوندان اؤنجه اشکان سعادت‌مهر ۲ مهر ۱۴۰۱-ده عومومی اعتراضلار ایله عینی واختدا حبس ائدیلمیش و ۴ مهرده کئچیجی اولاراق سربست بوراخیلمیشدیر.
IranWire
