اسرائیل پولیسی ایسلام جمهورییتی‌نین امری ایله سوء-قصد حاضرلاماقدا شوبهه‌لی بیلینن ۷ نفری حبس ائدیب
اسرائیلین پولیسی و داخیلی گوونلیک تشکیلاتی دوغو قودسون ۷ ساکی‌نینین ایسلام جمهورییتی اوچون یئنی جاسوسلوق پرونده‌سی چرچیوه‌سینده حبس ائدیلدیگینی آچیقلاییب.
بو شخصلر اسرائیلده هوجوملار، او جومله‌‌‌دن نووه عالیمی و اؤلکه‌نین شهرلریندن بیری‌نین بلدیه باشقانی‌نین اؤلدورولمه‌سی پلانلاریندا اتهام اولونورلار.
پولیس و شاباک یئتکیلیلری بو خبری چارشنبه آخشامی، ۱ آباندا آچیقلاییب و بیلدیریبلر کی، بو شخصلر دوغو قودسده‌کی بیت صفافادان ولان ۱۷-۲۳یاش آراسیدیر و اونلارین هئچ بیری‌نین جینایت و گوونلیک کئچمیشی یوخدور.
اساس تقصیرلندیریلن شخص و اونلارین لیدئری تخمیناً ایکی ایل اؤنجه ایسلام جمهورییتی‌نین بیر ماموری طرفیندن ایشه گؤتورولن و داها سونرا دا او ۶ نفری ایشه گؤتورن ۲۳ یاشلی رامی علیاندیر.
کان شبکه‌سی یازیب کی، بو شوبهه‌لیلردن اسرائیلین مرکزی شهرلری‌نین بلدیه باشقانلاریندان بیری‌نین حیاتی‌نین آیرینتیلاری‌نین آراشدیریلماسی ایسته‌نیلیب.
اسرائیل تلویزیونونون ۱۲-جی کانالی بیلدیریب کی، علیان دیندیرمه‌لر زامانی “تئررورچولوق فعالیتی حیاتا کئچیرمک اوچون ترور” اولدوغونو اعتراف ائدیب و بونلاری “بیله‌رکدن” و ایسلام جمهورییتی اوچون ائتدیگینی دئییب.
بو موتهیم آیریجا غزه‌ده‌کی ساواشا گؤره اسرائیلین میلی گوونلیگینه ضرر وئرمک نيتینده اولدوغونو بیلدیریب.
جروزالم پست دا یازیب کی، علیان اعترافیندا “اونون موتیواسییاسی‌نین ملتچیلیکله باغلی اولدوغونو” دئییب و او، ایرانلیلارلا ارتباطین اونون عرب توپلوموندا ائتکیسینی گوجلندیره بیله‌جه‌یینه ایناندیغینی یازیب.
