اردبیل ایالتی‌نین ۶۸۰۰ یئنی صینیف اوتاغینا احتیاجی وار
اردبیل ایالتی‌نین اوخول تعمیری ایداره‌سی‌نین مودیری بهزاد محمدی‌نین دئدیگینه گؤره، بو ایالتده اوخول چاتیشمازلیغی داوام ائدیر و آدام‌باشینا دوشن ائیتیم ساحه‌‌‌سی اؤلکه اورتالاماسیندان آشاغیدیر.
اونون دئدیگینه گؤره بو گؤسترجه اردبیل ایالتینده اؤلکه اورتالاماسیندان بیر متر و اردبیل شهرینده ایسه ۲ متر داها آشاغیدیر
او، یئنی اوخوللارین تیکینتیسی اوچون یئترلی قایناغین آیریلمادیغی اوچون ایالت اوخوللاری‌نین یوزده ۳۰-نون یئرلی خیريه‌‌چیلرین حسابینا اینشا ائدیلدیگینی بیلدیریب.
اردبیل ایالتی‌نین ائیتبم ایداره‌سی‌نین باشچیسی کلام‌الله صفری ایسه ایالتده ۳۶۸۱ صینیف اوتاغیندان عبارت تعمیر و یئنیدن تیکیلمه‌یه احتاجی اولان و ۷۵۰ اوخولون تام داغیلاجاق دورومدا اولدوغونو دئییب.
صفری‌نین سؤزلرینه گؤره، اؤلکه سويه‌‌سینده اورتالاما استاندارتا یاخینلاشماق اوچون اردبیل ایالتینده ۶۵۰۰ یئنی صینیف اوتاغی اینشا ائدیلمه‌لیدیر.
