دؤردونجو کرونا دالغاسیندا اردبیلده ۵۸۹ نفر خسته‌خانایا یئر‌لشدیریلیب و ۲۵ میندن چوخ اینسانین کرونا تستی مثبت اولدوقدان سونرا ائو قرنطینه‌سینده‌دیلر.
مهر خبر آژانسی‌نین وئردیگی بیلگییه گؤره، اردبیل والیسی کرونا خسته‌لیگینه نظارت قرارگاهی اوتوروموندا دئدی: تأسف کی، ایالتده کرونا موتاسیونو آرتدی، ایستاتیستیکایا گؤره یالنیز اردبیل شهرینده کروناویروس خسته‌سی و یا شوبهه‌لی اولدوغو و ساغلاملیق مرکزلری ایله کووردیناسییونلو اولاراق ائو قرنطینه‌‌سی آلتینا آلینان ۱۸ میندن چوخ اینسان وار.
او بیلدیردی: چؤرک‌خانالارین قارشیسینداکی سیخلیق اولان ماغازالار و کئچیدلر و ۲، ۳، ۴ پئشه قروپلاریده‌کی محدودیتلر پولیس، ساغلیق گوجلری و اصنافین ایشبیرلیگی ایله وورغولانمیشدیر و کندلرده ده دهیارلار و ساغلیق ایشچیلری بونا گؤره مسوولیت داشییاجاقلار.
