ابراهیم رشیدی‌نین محکمهسی خیاو ساوجیلیغی‌نین بیرینجی شؤبه‌سینده کئچیریلیب
تورک مدنی فعال ابراهیم رشیدی‌نین (ساوالان)، محکمهسی سون ساوونماسی تقدیم ائتمک اوچن خیاو ساوجیلیغی‌نین بیرینجی شؤبه‌سینده کئچیریلیب.
آیریجا، خیاو شهری‌نین ۲-جی جزا محکمهسی قامو اویونو پوزماق مقصدی ایله یالانلار یایماق اتهامینی ساوونماق اوچون جناب رشیدی‌یه ۱۰ تیر ۱۴۰۳-ده سؤزوگئدن شؤبه‌یه گلمه‌سی اوچون بیلدیریش وئریب.
ابراهیم رشیدی (ساوالان) اینستاگرام صفحه‌‌‌سینده بیر پایلاشیمدا، خیاو شهری‌نین عومومی و اینقیلاب ساوجیلیغ‌نین بیرینجی شؤبه‌سی طرفیندن ساوونماسی‌نین رد ائتدیگینی آچیقلاییب.
جناب رشیدی ۹ دی گونو خیاو شهری‌نین میرکندی کندینده آتاسی‌نین ائوینده گوونلیک گوجلری طرفیندن حبس ائدیلیب و ۱۰ دی ۱۴۰۲-ده اردبیل شهری‌نین اطلاعات ایداره‌سی‌نین تجرید‌خاناسینا کؤچورولموشدو. او دیندیریلمه سورجی باشا چاتدیقدان سونرا ۲۵ دی ۱۴۰۲-ده اردبیل مرکزی حبس‌خاناسینا کؤچورولوب.
جناب رشیدی ۷ بهمن ۱۴۰۲-ده آخشام ساعتلاریندا خیاو (مشگین شهر) حبس‌خاناسینا کؤچورولوب.
بو تورک مدنی فعال، ژورنالیست و سیاسی محبوس ابراهیم رشیدی (ساوالان)، ۲۰۰ میلیون تومنلیک گیروو قارشیلیغیندا ۵۴ گونلوک حبسدن سونرا دونن ۳ اسفند ۱۴۰۲-ده مشگین شهر حبس‌خاناسیندان سربست بوراخیلیب.
ابراهیم رشیدی تانینمیش آراشدیرماجی، ژورنالیست و مدنی فعالیدیر. او، آیدا بیر یاییملانان بایرام و یاییملانماسی قاداغان اولونان نوید آذربایجان درگی‌لری‌نین یاییم هئیتی‌نین عضوو، بلاگ یازاری و اولدوز اؤیرنجی ژورنالی‌نین باش مودیری و بولوت اؤیرنجی درگی‌سی‌نین باش یازاری اولوب.
ابراهیم ساوالان سون ۲۰ ایلده مدنی فعالیتلرینه گؤره دفعه‌‌لرله توتولوب، حبس ائدیلیب و ایشگنجه‌لره معروض قالیب.
Iranwire
