آذربایجانلی مدنی فعالین اتهامی “میلی گوونلیگه قارشی توپلاشاراق ال بیر اولماق ” و “رژیمه قارشی تبلیغات” اولاراق بیلدیریلیب. محکمه‌‌نین داورانیشینا و محکمه سورجینه دایر مؤوجود دلیللر گوونلیک اورقانلاری‌نین حؤکم چیخارماق اوچون تضییق ایمکانلارینی داها دا آرتیریب.
اؤنجه‌لر جناب فرشی فرمایشی اولاراق کئچیریلن محکمه اوتورومونون شاهیدی اولدوغونو بیلدیرمیش و محکمه اورقانلاریندان محکمه سورجینده و پرونده‌سینده باش وئرن قانون پوزونتولارینا گؤز یوممامالارینی ایسته‌میشدی.
علیرضا فرشی ۱ اسفند ۱۳۹۹-جو ایل تاریخینده دونیا آنا دیلی گونونون آنیلماسی ایله باغلی اولاراق محکوم ائدیلمیش و ۳۱ تیر ۱۳۹۹ تاریخیندن بری بؤیوک تهران حبس‌خاناسیندا ایکی ایللیک حبس جزاسینی چکیر.
