آیلار حقی‌نین اؤلدورولمه سی‌نین ۴۰-جی گون مراسیمینه قاتیلان ۳ نفر حبس ائدیلیب
ایکی گون اؤنجه تبریزده آیلار حقی‌نین اؤلدورولمه‌سی‌نین ۴۰-جی گون مراسیمینه قاتیلان تبریز ساکینی ابراهیم مهاجر و میراکبر حسینی و اورمیه ساکینی سعید محمودی حبس ائدیلیبلر.
دونن ابراهیم مهاجر پولیس و گوونلیک تجرید‌خاناسیندان تبریز مرکزی حبس‌خاناسینا کؤچورولوب و میراکبر حسینی و سعید محمودی‌نین کؤچورولمه یئری و دوروملاری حاققیندا آیرینتیلی بیلگی یوخدور.
بو واختا کیمی باشقا احتیمال اولونان محبوسلارین آدلاری ایله باغلی بیلگی یوخدور.
آیلار حقی‌نین اؤلدورولمه‌سی‌نین ۴۰-جی گون مراسیمی ۶ دی گونو مرحومون عائله‌‌‌سی، و آذربایجان خالقی‌نین بیر قروپ فعالی‌نین قاتیلیمی ایله تبریزین وادی رحمت قبیریستانلیغیندا جدی گوونلیک تدبیرلری ایله کئچیریلیب.
دوغو آذربایجانین ملکان شهریندن اولان طب اؤیرنجیسی آیلار حقی ۲۵ آبان ۱۴۰۱-ده تبریزده گوونلیک گوجلری طرفیندن اؤلدورولوب.
#عومومی_اعتراضلار #آیلار_حقی
