آمریکا، اینقیلاب کئشیکچیلری اوچون سلاح اورتیجیلری ده داخیل اولماقلا باشقا اوچ ایران قورومونو تحریم ائتدی
آمریکا خاریجی ایشلر ناظری مایک پمپئو، ۲۶ دی جوما گونو ایراندا اوچ قوروما قارشی یئنی تحریم تطبیق اولوندوغونو آچیقلادی و بو قوروملارین ایسلام اینقیلابی کئشیکچیلرینه اؤلومجول سلاح تداروک ائتدیگینی سؤیله‌دی.
مایک پمپئو، واشینگتن دنیزچیلیک صنایع‌سی تشکیلاتینی، اوزای صنایع‌سی تشکیلاتینی و ایرانین هاواجیلیق صنایع‌سی تشکیلاتینی تحریم لیستینه علاوه ائتدیگینی سؤیله‌دی.
آمریکا خاریجی ایشلر ناظری یئنی تحریملری اعلان ائدن آچیقلاماسیندا بو گون آمریکا تحریملرینه معروض قالان قوروملارین ایسلام اینقیلابی کئشیکچیلری ده داخیل اولماقلا، ایسلام جمهوریییتی‌نین حربی قوه‌لرینه اؤلومجول سلاح تداروک ائتدیگینی سؤیله‌دی.
آمریکانین ایسلام جمهوریییتینه قارشی یئنی تحریملری جمهورباشقانی دونالد ترامپ دؤولتی‌نین بیتمه‌سیندن توپلام بئش گون اؤنجه گلیر.
مایک پمپئو آچیقلاماسیندا آمِریکانین اولوسلارارسی توپلومداکی اورتاقلاری ایله ایسلام جمهوریییتینه داورانیشلارینی کؤکوندن ديَیشدیرمه‌سی اوچون تضییق گؤسترمک اوچون چالیشماغا داوام ائتدیگینی وورغولادی.
آمریکا ماليه ناظرلیگی ۲۴ دی ۱۳۹۹-جو ایل چارشنبه گونو ۱۶ موسیسه و ایکی شخصی، یعنی ایمام خمینی امری‌نین ایجراسی قرارگاهی‌نین و آستان قدس رضوی‌نین رییسلرینی و اونلارین آلت قوروملارینی تحریم لیستینه علاوه ائتدی.
