آزربایجان دموکراتیک بیرلیی نین آد دئیشمه بیاناتی

آزربایجان دموکراتیک بیرلیی نین آد دئیشمه بیاناتی سیاسی گئدیشاتین ده یرلندیرمه سینه و عینی حالدا آدیمیزا دایاناراق نئقاتیو آلقیلاری دایاندیرماق اوچون و تشکیلاتین آدین اونون سیاسی پروقیرامی ایله اویقون اولماسی اوچون تشکیلاتین آد دئیشمه سی اه له آلینمیشدیر.

ایندی ایسه قونویو هر طرفلی ده یرلیندیرمک و مصلحت لشمه دن سونرا بیرلیک ین مرکزی شوراسی آزربایجان دموکراتیک بیرلیی آدنین آزربایجان دموکرات پارتیسی نه چئوریلمه سینه اولوملو جواب وئردی. بو دئیشیک لیک لر اساسیندا تشکیلاتیمیزی آدی “آزربایجان دموکرات پارتیسی” و اونو قیسسا فورمو اولاراق “آدپ” (ADP) سس لنمه سینه ده قرار قبول ائتدی. آمما بیر سوره ایچینده آزربایجان دموکرات پارتیسی نین دوامیندا پارانتز ایچینده بیرلیک سؤزو، یئنی آدیمیز توپلومدا یئر آلانا قدر ایستفاده اولاجاقدیر.

آزربایجان دمکرات پارتیسی بو دئیشک لیک اساسیندا یئنی لوقو و یئنی پروقیرام حاضیرلاماق لا برابر آزربایجان و ایرانین فرقلی بؤلگه لرینده یاشایان تورکلری اورقانیزه ائتمک له باشقا خالق لارلا برابر ایران ایسلام جمهوریتی نین چئوریلمه سینه برابرجه چالیشب و ایران دا دموکراتیک بیر دوزن برپا ائدیمه سی اوچون تمام ایمکانلاری ایله چالیشمایا دوام ائده جک دیر. آزربایجان دموکرات پارتیسی ایران ایسلام جمهوریتی نین چئوریلیشینده بیردئموکراتیک آلترناتیویون گرچکلشمه سی اوچون چالیشیر و ایرانین گله جه ینه فئدئرال و پارلمانتاریستی جمهوریتی نین قورولوشونا و برابرلیک و عدالتین برپا اولماسی اوچون هر طورلو چابا و چالیشمادا اولاجاقدیر.

آزربایجان دموکرات پارتیسی (کچمیش ازربایجان دموکراتیک بیرلیکی -بیرلیک)