آذربایجانین چئشیدلی شهرلرینده یوزلرله کندین یولو باغلانیب
۴ بهمندن بری باشلایاراق گوجلو قار و چووغون سونوجوندا دوغو آذربایجان، باتی آذربایجان و اردبیلده بیر چوخ بؤلگهسینده نقلیاتین حرکتی چتینلشیب و بیر سیرا کند یولو دا تامامیله باغلانیب.
دوغو آذربایجان ایالتی‌نین یول نقليات ایداره‌سی‌نین باشچیسی اروجعلی علیزاده مئدیایا وئردیگی آچیقلامادا ایالتین ۴۰۰ کندی‌نین یولونون باغلاندیغینی دئییب.
اردبیل والیلیگی‌نین کند ایشلری اوزره باش مودیری دئییب: کندلیلرین امکداشلیغی ایله قاری تمیز‌له‌مک و وطنداشلارا یاردیم ائتمک اوچون ۱۵۰۰ یونگول و آغیر آلت ساحه‌‌‌یه داخیل اولوب و ایکی گون ایچینده یولو باغلی کندلرین یولونون آچیلماسینی اومید ائدیریک.
باتی آذربایجدا دا باغی یوللارین آچیلماسی اوچون چابالار داوام ائدیر. آنجاق اؤنوموزده‌کی هفته ده ایسه گوجلو یاغینتیلار گؤزلنیلیر.
زنجاندا ایسه گوجلو قار یاغماسیندان اؤتورو کند یوللاریندا لاستیکلره زنجیر تاخیلماسی اؤنریلیب.
قئید ائدک کی، ۴ بهمندن بری تبریز و اطراف بؤلگه‌لرده ده حیات ایفلیج اولوب، شهرده نقلياتین حرکتی دایانیب.
