آذربایجانین دموکرات پارتیسی، دونیا قادینلار گونو و قادینلارین بیرلشمه گونونو، بوتون دونیانی، اوزللیکله اولکهمیزین قادینلارینی تبریک ائدیر

نیویورک شهرینین پارچا و گئییم زاوتلارین قادین فهله لرینین اعتراضلاریندان، یاخلاشیق ۱۶۳- ایل کئچیر.
۱۸۵۷-جی ایل مارتین سکگیزینده، آمریکانین نیویورک شهرینین پارچا و گئییم زاوتلارینین قادین فهله لری مدنی اعتراض اوچون خیاوانلارا توکولدولر. اونلار امک حاقلارینین چوخالماسی، ایش ساعاتلارینین آزالماسی و ایش دورومونون یاخشیلاشماغینی ایستهییردیلر .
بو اعتراضلار تاپدالاندی و قادینلار شیددته معروض قالدیلار.
بیرینجی دفعه، ایلده بیر گون”قادین گونو”آدلانماق، نیویورکون قادینلارینین” قادینلارا اوی حاققی” سلوقانیلا باشلاندی.
۱۹۱۰-جی ایلده بیر سوسیالیستی کونفرانسدا، کلارا زتکین اونری وئردی کی، مارتین سکگگیزی، دونیا قادینلارینین، جینسی آیری سئچگیلییین علیهینه و برابر حاق قازانماق اوچون، قوتلاسین. بو اونری کنفرانس طرفیندن قبوللاندی.
او زاماندان بری، قادینلار اجتماعی، اقتصادی و سیاسی برابرلیک قازانماق اوچون یئنیش یوخوشلاردان کئچیبلر و بو یولدا بویوک اوغورلار قازانیبلار.
قادینلار بو یورولماز موباریزه ده، جینسیتی برابرلییگی، سوسیال، کولتورل، صولح، آزادلیق و چئوره تمیزلیگی قونوسونا قاتیب، بو مدنی موباریزهنی گئنیشلندیریبلر.
اولکه میزین و اوزللیکله آذربایجانین تاریخینه باخارساق، مشروطه دئورانینین قادینلاریندان، زینب پاشالار وار کی وارلیقلاری قادین وطنداشلاری و سویداشلارینین حماسه لریندن دانیشیر.
کئچن ایل شهریور آییندان دونیا، اولکه میزین قادینلاری طرفیندن باشقا بیر حماسه یه شاهید اولوب. بو حماسه ژینا( مهسا) امینینین حکومت طرفیندن قتله یئتیریلمهسی و کردستانین اعتصابلاریلا باشلادی و آردیجا آذربایجان، بلوچستان، خوراسان و لرستانین گنج قادینلار و اوشاقلارین فداکارلیقلاریلا ، دوام ائتدی.
بو اعتراضلار امنیتی مامورلارین دایانیشیلا قارشیلاشدی، آردیجا قادینلاری کور ائتمک، توتوقلانماق و زیندانلاردا تجاوزلا سونوچلاندی. آنجاق قادینلارین تپکیسی شیددتلندی، اونلار اوز باش اورتوکلرینی اوتلاماقلا، (گئری قافالی و دیکتاتورلارین نمادی) اصلینده حکومتین کوکونون سبمبولونو توشلادیلار. چوخ چکمدن، دونیانین باشا باشیندان قادینلار، ایران قادینلاریندان حمایت اوچون ساچلارینی کسمکله، تاریخسل بیر آکسیا باشلادیلار. بو آکسیا هنرمند قادینلاردان توت ، سیاسی قادینلار و قادین حاقلاری فعاللارینا جان قاپسادی.
بو گون اسلام جومهوروسو مدرسهلرده قیزلاری زهرلندیرمکله، بیولوژوی سیلاحلا ترورا باشلایبدیر.
ایندی دئمک اولار اولکهنین باشاباشیندا هامی رژیمین بیولوژیک سالدیرما و زهرلندیرمهسیندن دانیشیرلار.
بو ایل ائله بیر دورومدا دونیا قادین گونونو قوتلاماغا حاضیر لاشیریق کی، رژیمین قادین و اوشاق قاتیلی سیاستلری و چیلدیرغینلیقلا سالدیرما سیاستلری، اونون عومرونون سونا چاتماغیندان خبر وئریر.
بو حکومت قورولاندان گوندن قادینلارا قارشی فیزیکی هجوم روانی شیددت واریدی.
آنجاق بو دفعه بوتون اولکهنی قاپسایان قادین انقلابیکی، بوتون آیری سئچگییه معروض قالان توپلوملاری بیرلشدیریبدیر،
تکجه شاه- شیخ رژیمینی دئوریمک دییلدی، همچنین اینسانین بیرینجی حاقلارینی، قلم و دیل آزادلیغینی تاپدالایان هر تورلو استبدادی هدفه آلیر.
خیاواندا مدنی اعتراضلاردا هر “ظولومکلار لعنتلنیر، شاه اولسون یا رهبراولسون “.
بیز آذربایجان دموکرات پارتیاسیندا اینانیریق، رویالارینین دالینجا گئدن شوجاعتلی قادینلارین سسی ، یالنیز مارتین ۸ دییل، هر گون ائشیدیلمهلیدیر.
دونیا قادین گونو، توپلومون بوتون قاتلاریندا، اوزگورلوک، برابرلیک حاقلاری ایستهین و بو یولدا دیرنیش و دایانیشدان ال چکمهین قادینلارا موبارک اولسون.
قادین علیهینه شیددتلر بیتن، قادینلاردان حمایت اولماغا مجبور قالمایان بیر دونیا اومودویلا.

آذربایجانین دموکرات پارتیسی
مارتین ۶-سی