ییلماز مهرعلی بیگلونون دیندیرمه اوتورومو جولفا شهرینده کئچیریلیب

تورک مدنی فعال ییلماز مهرعلی بیگلونون دیندیرمه اوتورومو جولفا شهری‌نین عومومی و اینقیلاب ساوجیلیغی‌نین بیرینجی شؤبه‌سینده کئچیریلیب.

جناب ییلماز مهرعلی بیگلو اؤز اینستاگرام صفحه‌‌‌سینده بیر یازی یازاراق اتهامینی بو محکمه اوتوروموندا، “توپلانیشا دعوت، قامو اویونو ناراحات ائتمک، ملتچی و پانترک حرکتلر”  اولاراق بیلدیریب.

بو آذربایجانلی حوقوقچو و ایشیندن اوزاقلاشدیریلان وکیل بیلدیریب کی، دیندیرمه ایجلاسیندا ایره‌لی سورولن اتهاملارین اساسسیز اولدوغونو بیلدیگی حالدا، او، بو اتهاملاری رد ائدیب.