وحید جوانی تبریز شهری‌نین اطلاعات ایداره‌سی طرفیندن حبس ائدیلیب
خبرلره گؤره تورک مدنی فعال وحید جوانی ۲۱ دی ۱۴۰۱-ده تبریز اطلاعات ایداره‌سی‌نین امکداشلاری طرفیندن ائوینین قارشیسیندا حبس ائدیلیب.
بو مدنی فعالین یاخینلاری بیلدیریبلر کی، حاکم غفاری‌نین باشقانلیق ائتدیگی ۱۷-جی ایستینطاق شؤبه‌سی طرفیندن ۲۷ یاشلی آذربایجانلی فعالا قارشی ایره‌لی سورولن اتهاملار “یالان یایماق، رئژیمه قارشی تبلیغات آپارماق و میتینقلرده ایشتیراک ائتمکدیر”. اونون محکمه سورجی ایله ایلگیلی و وئریلن قرار حاققیندا آیرینتیلی بیلگی یوخدور.
سون آیلاردا آذربایجانین شهرلرینده محبوسلارین چوخلوغو و عائله‌‌‌لرین بیلگی وئرمک قورخوسو بیر چوخ محبوسون اوزون مدت تضییقلره، ایشگنجه‌لره و قانونسوز حبسلره معروض قالماسینا سبب اولوب.
