میلاد جلیلی تبریز حبس‌خاناسیندان الکترونیک قانداللا سربست بوراخیلیب
تورک رپر و مدنی فعال میلاد جلیلی (ائلشن) ۲۱ تیر ۱۴۰۳-ده ۸ آیلیق جزاسی‌نین بیتمه‌سینه ۵ آیدان دا آز واخت قالدیقدان سونرا تبریز حبس‌خاناسیندان الکترونیک قانداللا سربست بوراخیلیب.
جناب جلیلی جزاسینی چکمک اوچون حبس‌خانایا کؤچورولمزدن اؤنجه اینستاگرام صفحه‌‌‌سینده یالنیز سیاسی رپ ایفاسینا گؤره حبس جزاسینا محکوم ائدیلدیگینی و جزاسینی چکمک اوچون حبس‌خانایا گئتدیگینی بیلدیرن ویدئو پایلاشمیشدی.
بو تورک موسیقیچی و مدنی فعال میلاد جلیلی ۸ آیلیق حبس جزاسینی چکمک اوچون دونن ۱۶ خرداد ۱۴۰۳-ده، چارشنبه گونو تبریزین مرکزی حبس‌خاناسینا گئتمیشدی.
محکمه‌‌نین ایلکین مرحله‌‌‌سینده بو آذربایجانلی صنعتچی‌نین اتهامی “اینسانلاری ایغتیشاشلارا و ساواشا تحریک ائتمکله میلی گوونلیگه قارشی حرکت ائتمک و اینسانلاری اؤلدورمک” و “ایران ایسلام جمهورییتینه قارشی سیاسی رپ موسیقیسی ایفا ائتمکله بؤلوجو پانتورک محکوملار اوچون تبلیغات فعالیتی گؤسترمک” اولاراق بیلدیریلیب.
بو رپرین وکیلی جناب اصغر محمدی‌نین اعتراضی حاکم طرفیندن قبول ائدیله‌رک جناب جلیلی ” و “ایران ایسلام جمهورییتینه قارشی سیاسی رپ موسیقیسی ایفا ائتمکله بؤلوجو پانتورک محکوملار اوچون تبلیغات فعالیتی گؤسترمک” اتهامیندان ۸ آی حبسه محکوم ائدیلدی. و بو حؤکم ده دوغو آذربایحان تئمییز محکمه‌سی ۳۲-جی شؤبه‌سی طرفیندن تصدیقله‌ندی.
میلاد جلیلی کئچن ایل ۷ آذر گونو حبسده اولان تورک مدنی فعاللارا دستک مقصدیله رپ ماهنیسی ایفا ائتدیکدن سونرا فتا پولیس گوجلری طرفیندن حبس ائدیلیب و تبریز شهری‌نین مرکزی حبس‌خاناسینا آپاریلیب.
Iranwire
