مهسا امینی‌نین آتاسی امجد امینی قیزینین ایل‌دؤنومونده بیر نئچه ساعت ساخلانیلیب
مهسانین آتاسی “امجد آمینی” گوونلیک گوجلری طرفیندن بیر نئچه ساعت ساخلانیلیب.
سقزدن اولان یئرلی قایناقلار بیر نئچه ساعت سقز اطلاعات ایداره‌سینده ساخلانیلان امجد امینی‌نین هله‌لیک سربست بوراخیلدیغینی بیلدیریب.
ایران‌وایر داها اؤنجه بیلدیرمیشدی کی، ایل‌دؤنومو عرفه‌‌سینده امینی‌نین عائله‌‌‌سینه تضییقلر گوجله‌نیب.
مئهسا (ژینا) امینی‌نین ایل‌دؤنومو گئجه‌سینده ، اونون عائله‌سی امجد امینی، مژگان افتخاری و اشکان (کیارش)، مهسانین مزاری باشیندا اولوب. جوما گونو گونورتادان سونرا مهسانین عائله‌‌‌سی‌نین ائوینین اطرافینا حربی قوه‌لر یئر‌لشدیریلیب.
عینی زاماندا، مهسانین ایل‌دؤنومو گئجه‌سینده اینترنت سرعتی آزالیب، سوسیال شبکه‌لرده ایله‌تیشیم جدی شکیلده پوزولوب.
سقز شهری‌نین گیریشینده‌کی تفتیش قوه‌لری آرتیب واینقیلاب کئشیکچیلری قوه‌لریندن عبارت گوجلرین سایی آرتیب. عینی مامورلار یئرلی پلاک اولمایان، یعنی سقز پلاکی اولمایان اتومبیللری کنارا چکیب ماشینا و اونون یولجولارینی تفتیش ائدیرلر.
