مهریزین سورگون یئری اولاراق تانیتیلماسی اینسانلارین ناراضیلیغینا سبب اولوب
مهریز شهر شوراسی‌نین رییسی خالقین بو شهرین سورگون یئری اعلان ائدیلمه‌سیندن ناراضی اولدوقلارینی و صلاحیتلیلردن یئنیدن نظردن کئچیریلمه‌سینی طلب ائتدیکلرینی بیلدیردی.
بو یاخینلاردا داخیلی ایشلر ناظرلیگی مهریز شهرینی دیگر 35 شهر ایله بیرلیکده عدليه اورقانینا سورگون شهری اولاراق تقدیم ائتدی.
«علیرضا ابویی»ده بو مسئله‌‌یه جاواب اولاراق دئدی: «بو شهرین اؤلکه‌دکی سورگون ائدیلن شهرلر لیسته‌سینده نییه اعلان ائدیلدیگی بللی دئییل.»
ابویی علاوه ائتدی «بعضی قرارلار، نظره آلینمادان اؤلکه‌یه هئچ بیر فایداسی‌نین اولماماسی‌نین یانیندا اینسانلارین ناراحاتلیغینا دا سبب اولور.»
او مقاملارین، ان قیسا زاماندا مهریزین آدینی بو لیسته‌دن چیخاراجاغینا اومید ائتدیگینی بیلدیردی.
مهریزین اورجینال بیناسینی، ایسلامین ایراندا یاییلماسیندان اؤنجه «انوشیروان ساسانی»نین قیزی «مهرنگارا» نسبت وئریرلر. 55 مین نفر اهالیسی اولان بو شهر یزددن 30 کیلومتر اوزاقلیقدا اونون گونئینده یئرلشیر.
