مظلوملار وقفینین شیکایتی ایله ابوالفضل کندینده‌کی ایغتیشاش باش وئردی
خبرلرده تهلوکه‌‌‌سیزلیک قوه‌لری و پولیسین اهوازداکی ابوالفضل کندی‌نین بیر قروپ ساکینی ایله چاتیشدیغینی بیلدیریلیر.
چاتیشما چارشنبه گونو باش وئریب و پولیس گؤزیاشاردیجی گاز و سلاحدان ایستیفاده ائدیب.
اهواز پولیس قوه‌لری‌نین کوماندیری ده مامورلارین کندده‌کی اعتراضچیلارا آتش ائتدیگینی تکذیب ائتدی.
چاتیشمانین گؤرونتولری سوسیال مئدیادا یاییلانیب. بو گؤرونتولرده پولیس گؤزیاشاردیجی گازدان ایستیفاده ائدیب و سلاحلا آتئش ائتمه‌سی نتیجه‌سینده بیر نئچه نفرین یارالانیب.
چاتیشمالار مظلوملار وقفینین شیکایتی اوزره بلدیه مامورلاری‌نین کندده‌کی بیر سیرا ائولری داغیتماق ایسته‌دیگیندن سونرا باشلادی.
اهواز ساوجیسی‌نین معاونی علی بیرانواند بو کندین ساکینلری‌نین «مظلوملار وقفینین تورپاقلارینی قانونسوز اولاراق آلدیقلارینی» و «اراضی غصبی» ائتدیکلرینی سؤیله‌دی.
بیرانواند، پولیس قوه‌لری طرفیندن سلام ایستیفاده ائدیلدیگینی تصدیقله‌یه‌رک دئدی «وضعيتی نظارت آلتینا آلماق و ایتکی وئرمه‌مه‌ک اوچون»، بو حرکت باش وئریب.
ابوالفضل کندینده 300 عائله وار و مظلوملار وقفی اؤز تورپاقلارینا صاحب چیخماق ادعاسی ایله کندی داغیتمایا چالیشیر.
