مشهدده ۹ اوشاغا جینسی تجاووز ائتمکله اتهام ائدیلن شخص توتوقلاندی
خوراسان قزئتی مشهدده بیر نفرین دوققوز اوشاغا جینسی تجاووز اتهامی ایله حبس اولوندوغونو بیلدیردی.
توتوقلاناندان سونرا موتهیم مشهدین قوزئی و دوغو بؤلگه‌لرینده بئله بیر حرکت ائتدیگینی اعتراف ائتدی.
بو شخص ایکی اوشاغین عائله‌‌‌لری‌نین شیکایتیندن سونرا پولیس طرفیندن تعقیب ائدیله‌رک توتوقلاندی.
پولیس بو شخصین کیملیگینی «م.ج»، اولاراق آچیقلاییب و ۳۲ یاشلی بو گنجین تخمیناً ایکی ایل اؤنجه حبسدن آزاد ائدیلدیگینی بیلدیردی.
پولیس آراشدیرمالاری اونون ۱۳۸۸-جی ایلده اوخشار اتهام ایله حبس‌خانایا گؤندریلدیگینی و تخمیناً ۹ ایل ۴ آی حبسدن سونرا سربست بوراخیلدیغینی گؤستریر.
خوراسان قزئتی، گنجین عومومیلیکده دوققوز اوشاغا جینسی تجاووزو اعتراف ائتدیگینی یازدی.
