مجلیس رادیوسو؛ ایسلام جمهوریتی حؤکومتی‌نین یئنی موخالیف سسی
29 تیر 1399، بازار گونو رادیو مجلس «ایسلام مصلحت مجلیسیندن» فرقلی بیر سسی جانلی اولاراق یاییملادی، بلکه ایللرله بو سس بئله آچیق شکیلده ائشیدیلمه‌میشدی؛ بوگون ایران توپلومونداکی یوخسوللوق و سفالت مؤوضوسوندا ایسلام جمهورییتی حؤکومتی‌نین تنقیدلری ایله دولو بیر سس.
مجلیسین آچیق اوتورومونداکی بوتون چیخیشلار، خبردارلیقلار، راضیلاشمالار، پلانلار و اعتراضلار توپلوما بیر سس گؤندردی: «آجلیق باغیریر.»
بو ایفاده‌لره دقت ائدین:
- بو گون یاغ، ات و اساس ماللار بعضی اینسانلار اوچون خیال حالینا گلدی.
- یوکسه‌لن قیمتلر اینسانلار اوچون دایانیلماز حالا گلدی.
- اینسانلار فساد، بئجریکسیزلیک و برابرسیزلیک قارشیسیندا داواملاری قالمامیش.
- جمهورباشقانی‌نین، اوشاقلاری ایشسیز قالمادیلار کی، عائله‌‌‌لرین باشینا نه‌لر گلدیگینی بیلسین.
- 1500 تومنلیک یومورتانی کیم آلا بیلر؟
- زاهداندا هر آلتی آیدان بیر ات یئیه‌مه‌ین و پروتئین توکته‌مه‌ین اینسانلار وار.
- ائو کیرایه‌‌‌لرینی ائله بیر دوروما گتیردیلر کی، ایندی 8 مِترلیک بیر ائوین دامی‌نین آلای ائده‌رک 700.000 تومنه ایجاره‌یه وئریلمه‌لی اولدوغو دئییلیر.
- 50 مِترلیک بیر ائوه صاحب اولماق گنجلر اوچون ال‌چاتماز بیر خیالا چئوریلدی.
- اینسانلار گئجه چؤرگینه محتاجلار، بو وضعيتله اهالینی نئجه آرتیرماق ایسته‌ییریک؟
قولاق آسانلار بو سؤزلرین هانسی رادیودان یاییملاندیغینی بیلمیرلرسه، محتملا بونون ایسلام مشورت مجلیسی‌نین رادیوسوندان یاییملاندیغینی تخمین ائده بیلمزلر و بونلار ایسلام جمهورییتی‌نین موخالیفتی و تنقیدچیلری دئییل، مجلیس عضولری و ولایت سیستمی‌نین ان آشیری طرفدارلاریدیلار کی ایران توپلومونون وضعيتینی بئله تصویر ائدیرلر.
ایندی همین ایش گونونده ایسلام مشورت مجلیسی‌نین قرارلارینی بو ایفاده‌لره علاوه ائدین:
اینسانلارین اساس احتیاجلاری اوچون کوپونلارین سرعتله پایلاما پلانی تصدیقلندی،
گلیشتیریلمه‌میش لاییحه‌‌لری سفربر ائتمک اوچون پولسوز قیر پایلانماسی سرعتله تصدیقلندی،
ائو قیمتلرینه نظارت ائتمک اوچون بوش ائولره وئرگی آرتیرماق پلانی تصدیقلندی،
فاجعه‌‌‌نین درینلیگینی گؤسترن پلانلار. مجلیس، ایرانین اقتصادی بؤیومه‌سینی، ریفاهینی و گلیشمیی آرتیرماق اوچون دئییل، هر گون اهالیسی آرتان آلت طبقه‌‌‌لرین آغریسینی یونگول‌لشدیرمک اوچون قوللارینی چیرمله‌میش و عائله‌‌‌لره ات و تویوق رنگینی و دادینی اونوتماماغا ایمکان یارادا بیله‌جک کوپون سیرالارینی گئری قایتارماق ایسته‌ییر.
ایران خالقی‌نین یوخسوللوق، سفالت و آجلیق مؤوضوسوندا ملت وکیللری‌نین بیر سیرا اعتراضلاری آراسیندا، زاهدان ملت وکیلی و ایسلام مشورت مجلیسی‌نین ساغلاملیق کمیسیونونون باشقانی «حسین‌علی شهریاری»نین دئدیگی بیر سؤزه یاخینلاشیریق. «ایکی ایل اؤنجه مجلیسده دئمیشدیم کی، حؤکومت بیر شئی ائتمسه، یوخسوللوق، آجلیق و محروم اولانلارین تضییقی اوزوندن خالق بیر گون بیزی مجلیسدن و دؤولت خادیملرینی حؤکومتدن قوواجاق، بو چوخ چکمز» دئدی. گؤرونن اودور کی، حاکم طبقه‌‌‌دن هئچ کیم بو ادعایا اینانمیر، آما مجلیس تریبونونون ایران توپلومونو آجیناجاقلی کیمی تصویر ائتمه‌سی، بو خالقین سسینی ائشیتمه‌یه چوخ واخت قالمادیغینی گؤستریر.
