علی رضایی هاواستان اوین حبس‌خاناسیندان سربست بوراخیلیب
تورک مدنی فعال علی رضایی هاواستان دونن ۲۷ خرداد ۱۴۰۳-ده، ۱۸ آیلیق حبسدن سونرا اوین حبس‌خاناسیندان سربست بوراخیلیب.
بو آذربایجانلی مدنی فعالین آزادلیغا بوراخیلماسی ایله باغلی آیرینتیلی بیلگی یوخدور، لاکین اولا بیلسین کی، جناب رضایی هاواستانین آزادلیغا بوراخیلماسی قوربان بایرامی و غدیر بایرامی ایله باغلی جزا یونگول‌لشدیریلمه‌سی و یا عفوی ایله باغلیدیر.
جناب رضایی ۲۰ آذر ۱۴۰۱-ده تهرانداکی شخصی ائوینده گوونلیک گوجلری طرفیندن حبس اولوندو. اونون شخصی اشیالاریندان بعضیلری، او جومله‌‌‌دن اوچ نووتبوک، موبیل تلفون و اونا اؤزل دیسک گوونلیک گوجلری طرفیندن موصادیره ائدیلیب.
یاخینلاری‌نین و عائله‌‌‌سی‌نین وئردیگی بیلگیلره گؤره، جناب رضایی حبسی زامانی و محکمه‌‌ده وکیلله گؤروشونه ایجازه وئریلمه‌ییب و حاکم صلواتی دفعه‌‌لرله عائله‌‌‌سی‌نین اوفیسینده اولماسینی رد ائدیب و اونلاری حبس ائتمکله هده‌له‌ییب.
۱۳۶۲-جی ایل دوغوملو اولان علی رضایی آی‌تی موهندیسی، تورک دیلی و یوگا اؤیرتمنیدیر.
