علی رضایی هاواستانا آتاسی‌نین دفن مراسیمینه قاتیلماق اوچون مرخصی وئریلمه‌ییب
اوین حبس‌خاناسیندا محبوس اولان تورک مدنی فعال علی رضایی هاواستان مرخصی آلا بیلمه‌دیگی اوچون آتاسی‌نین دفن مراسیمینده ایشتیراک ائده بیلمه‌ییب.
بو مدنی فعالین مرحوم آتاسی‌نین دفن مراسیمی ۱۳ شهریور ۱۴۰۲-جی ایلده هاواستان کندینده کئچیریلیب.
جناب رضایی‌نین یاخینلاری‌نین وئردیگی بیلگیلره گؤره، بو مدنی فعالین عائله‌‌‌سی‌نین بو یازی‌نین یازیلدیغی واختا قدر آتاسی‌نین اؤلوم شهادت‌نامه‌‌سینی ساوجیلیغا تقدیم ائتمه‌سینه باخمایاراق، اونون مرخصی آللملق جهدلری سونوج‌سوز قالیب.
حاضردا اوین زیندانیندا ۶ ایللیک حبس جزاسینی چکن جناب رضایی ۲۰ آذر ۱۴۰۱-ده تهرانداکی شخصی ائوینده گوونلیک گوجلری طرفیندن حبس اولوندو. اونون شخصی اشیالاریندان بعضیلری، او جومله‌‌‌دن اوچ نووتبوک، موبیل تلفون و اونا اؤزل دیسک گوونلیک گوجلری طرفیندن موصادیره ائدیلیب.
یاخینلاری‌نین و عائله‌‌‌سی‌نین وئردیگی بیلگیلره گؤره، جناب رضایی حبسی زامانی و محکمه‌‌ده وکیلله گؤروشونه ایجازه وئریلمه‌ییب و حاکم صلواتی دفعه‌‌لرله عائله‌‌‌سی‌نین اوفیسینده اولماسینی رد ائدیب و اونلاری حبس ائتمکله هده‌له‌ییب.
۱۳۶۲-جی ایل دوغوملو اولان علی رضایی آی‌تی موهندیسی، تورک دیلی موعلیمی و یوگا اؤیرتمنیدیر.
