طاهر نقوی کرج شهرینده گوونلیک گوجلری طرفیندن حبس ائدیلیب

کرج شهرینده یاشایان تورک وکیل طاهر نقوی چارشنبه‌ آخشامی، ۱۷ بهمن ۱۴۰۲-ده گوونلیک گوجلری طرفیندن حبس ائدیلیب.

گوونلیک گوجلری کرجده یاشایان باشقا مدنی فعال کرامت روح‌نوازین دا ائوینه گئده‌رک اونو حبس ائتمک ایسته‌ییبلر. آنجاق اونون آچیق اورک عملیاتی اولدوغونا گؤره اونو حبس ائتمکدن ایمتینا ائدیبلر و جناب روح‌نوازین موبیل تلفونونو اله کئچیریبلر.

طاهر نقوی‌نین کرج شهرینده حبسی ایله آذربایجانین چئشیدلی شهرلرینده گوونلیک گوجلری طرفیندن حبس ائدیلن فعاللارین سایی سون اوچ گونده ۱۱ نفره چاتیب.

هله‌لیک اردبیل، رشت، اورمیه، تبریز، اسلامشهر، آستارا و کرج شهرلرینده تورک مدنی فعاللار مرتضی پروین، ودود اسدی، سالار طاهر افشار، سعید جمالزاده ، باقر حاجی زاده، آیاز سیف خواه، سعید مینایی، کمال نوری، آراز امان، طاهر نقوی وعبدالله واحدی ۱۶-۱۷-۱۸ بهمن ۱۴۰۲-ده گوونلیک گوجلری طرفیندن حبس اولونوبلار. حبس ائدیلن فعاللارین بعضی یاخینلاری بو فعاللارین حبس زامانی گوونلیک گوجلری طرفیندن دؤیولدویونو بیلدیریبلر.