شیرین علیزاده‌نین اؤلوم صحنه‌سینین ویدئوسو یاییملانیب
بو گون، ۴ آباندا سوسیال شبکه‌لرده اونون اؤلوم آنینین شوک ائدیجی ویدئوسو یاییلیب.
شیرین علیزاده ۳۱ مهر آخشام ساعتلاریندا تنکابونداکی بسیج عضوو طرفیندن یئددی یاشلی اوغلو ایله شخصی اتومبیلینده گولـله‌له‌نیب.
دئییلنه گؤره، او، کوچه‌ده اعتراضچیلارلا پولیسلر آراسیندا باش وئرن قارشیدورمانی فیلمه چکیردی کی، اؤلوم صحنه‌‌‌سینی ده فیلمه چکیب.
سون بیر آیدیر کی، گوونلیک گوجلری شیرین علیزاده‌نین عائله‌‌‌سینه تضییق ائده‌رک، اونون جسدینی تحویل وئریب، سسسیزجه باسدیریب.
شیرین علیزاده‌نین دفن شهادت‌نامه‌‌سینده اؤلومون سرعتلندیریلمیش مئتال اشیا (گولـله) ديمه‌سی سونوجوندا باش وئردیگی بیلدیریلیر.
شیرین علیزاده اؤلوم آنینی فیلمه چکن ایلک وفات ائدن شخص دئییل.
بوندان اؤنجه آمولدا بیرباشا گولـله ایله اؤلدورولن غزاله چالابی ده اؤلوم صحنه‌‌‌سینی فیلمه چکیب.
غزاله چالابی ۳۰ شهریور ۱۴۰۱-جی ایلده آمولدا بیرباشا آتشله اؤلدورولدو. او، گولـله‌لنرکن جیب تلفونو ایله اعتراضلاری چکیردی. غزاله چالابی‌نین گولـله‌لنه‌رک اؤلدویو آن اونون تلفونو ایله چکیلیب و بیر نئچه گون اؤنجه اینترنتده یاییملانیب.
#عومومی_اعتراضلار #شیرین_علیزاده
