شرقی آزربایجاندا کرونا اؤلوملری تک رقمه چاتیب
تبریز طب علملری بیلم‌یوردونون رئیسی سون ۲۴ ساعات ایچینده ۶ نفرین ایالتده حیاتینی ایتیردیگینی دئییب و بیلدیریب: هر گون بیر ایله ۶ کرونا اؤلومو شرقی آزربایجاندا باش وئریر.
تقی‌پور خفیف خسته‌لیکلرین آرتدیغینی بیلدیریب و دئییب: سون ۲۴ ساعات ایچینده ۶۹ نفرین خسته‌خانایا یاتیریلماسی ایله شرقی آزربایجاندا خسته‌خانا و طب مرکزلرینه یاتیریلان خسته‌لرین توپلام سایی ۲۶۴ نفره چاتیب.
او علاوه ائتدی: کرونا باخیمیندان شرقی آزربایجاندا ۲ شهر نارینجی و ۱۹ شهر ایسه ساری دورومدادیر.
تبریز طب علملری بیلیم‌یوردونون رئیسی دئییب: خفیف کرونا کئچیرن خسته سایی‌نین آرتماسی بیزی قایغیلاندیریر کی بایرام گؤروشلرینده ماسک قوللانیمی آزالیب و بو دا خسته سایی‌نین آرتیمینا سبب اولوب.
او خالقی هله ده اؤزلرینی بو خسته‌لیکدن قورومایا چاغریراق ماسک ق.للانماسینی بیر داها تووصیه ائتدی.
او قئید ائتدی: بو گون، کرونا خسته‌لیگی‌نین باش وئرمه‌سیندن تخمیناً ایکی ایل سونرا، علمی و طبی آراشدیرمالار گؤستردی کی، کروناویروس آشیسی کرونا خسته‌لیگیندن اؤلوم حاللارینی آزالتماقدا چوخ ائتکیلی اولور.
#آزربایجان_خبرلری #کرونا #عومومی_ساغلاملیق
