شاهین رحمتی ۶ ایل ۸ آی حبسه محکوم ائدیلیب
زنجانلی پارکور مشقچیسی و هیپ‌هاپ موریسینی شاهین رحمتی ۶ ایل ۸ آی حبسه محکوم ائدیلیب.
شاهین رحمتی شخصی اینستاگرام صفحه‌‌‌سینده آذربایجانلی فعاللارا عاید بعضی کاناللاردا اونون موحاریبه اتهامی خبرینی تکذیب ائده‌رک ۶ ایل ۸ آی حبس جزاسینا محکوم ائدیلدیگینی آچیقلاییب.
بو واختا قدر اونون اتهاملاری ایله باغلی آیرینتیلی بیلگی یوخدور.
شاهین رحمتی بو ایل ۲۵ مهرده زنجاندا گوونلیک گوجلری طرفیندن حبس ائدیلیب و بیر مدت سونرا محکمه‌‌یه قدر گیروو قارشیلیغیندا سربست بوراخیلیب.
سون اعتراضلاردا اینترنتین حؤکومت طرفیندن کسیلمه‌سی و توتولانلارین و اؤلنلرین عائله‌لرینه حؤکومتین باسقیسی، توتولان و حیاتینی ایتیرنلرین دقیق سایی‌نین بللی ائدیلمه‌سینی چتین‌لشدیریب.
#عومومی_اعتراضلار
