سیستان و بلوچستاندا اینقیلاب کئشیکچیلری‌نین دؤرد عضوو اؤلدورولدو
اینقیلاب کئشیکچیلری‌نین قودس قرارگاهی وئردیگی آچیقلامادا، سیستان و بلوچستان ایالتینده دؤرد عضوونون اؤلدورولدویونو بیلدیردی.
اینقیلاب کئشیکچیلری‌نین اعلانینا گؤره، بو قوه‌لر مردادین ایلک جوما گونو آخشام واختیندا خاش اطرافینداکی گونیک بؤلگه‌سینده‌کی چاتیشما زامانی اؤلدورولدو.
اینقیلاب کئشیکچیلری ایفاده‌لرینده چاتیشمانین آیرینتیلارینی آچیقلامادیلار.
بیر نئچه ساعت اؤنجه بلوچ فعاللاری‌نین کامپانییاسی بیلینمه‌ین شخصلرین خاش شهرینده‌کی نورآباد کارواندر بسیج بازاسینا عاید بیر حربی ماشینا هوجوم ائتدیگینی بیلدیردی.
هوجوم اسناسیندا دؤرد نفرین اؤلدورولمه‌سیندن بحث ائدن بلوچ فعاللاری‌نین کامپانییاسی، اؤلدورولن اوچ نفرین «محمد عمرزهی»، «نادر ریگی» و«حمید سهراب‌زهی» اولدوغونو آچیقلادی و اونلاری بسیج عضولری اولاراق تانیتدی.
بلوچ فعاللاری کامپانییاسینا گؤره، مردادین ایلک جوما گونو، بیلینمه‌ین سلاحلی شخصلر، جکیگور سرحد هنگینه عاید بیر اتومبیله آتش ائتمه‌لری سونوجوندا، ایسلام جمهوریییتی‌نین حربی قوه‌لریندن بیری آیاغیندان یارالاندی.
iranwire
