سویوق بولاق بندی‌نین سو حجمی ۵۶ میلیون متر مکعب آزالیب
سویوق بولاق سو ایداره‌سی مودیری دئییب: حاضردا سویوق بولاق بندی‌نین آرخاسیندا توپلانان سویون حجمی ۵۶.۲۸ میلیون متر مکعب آزالیب کی، بو دا سون ۱۰ ایلده گؤرونمه‌میش بیر دورومدور.
خالد رحمانی بونونلا باغلی آرتیریب: اؤتن ایلین آذر آییندا سویوق بولاق بندینده توپلانان سویون حجمی ۶۳.۵۵ میلیون متر مکعبدی کی، بو ایل یاغینتیلارین آزالماسی و بو بنده گئدن چایلاردان گلن سولارین آزالماسی ایله باغلی اولاراق سویون حجمی آزالیب.
رحمانی دئییب: ایندی سویوق بولاق بندی‌نین سو سويه‌سی ۱۰۴۱ متره ائنیب، حال‌بوکی کئچن ایل بو میقدار جاری ایلده‌کیندن بیر متر چوخ ایدی.
رحمانی سویوق بولاق تاج بندی‌نه یاغان یاغیشین میقداری حاقیندا دا آرتیریب: جاری سو ایلینده سویوق بولاقین تاج بندی دورواغیند ۳۸.۷ میلی متر یاغینتی قئیده آلینیبسا، اؤتن ایل بو میقدار ۲۸.۵ میلی متراولوب.
سویوق بولاق شهری‌نین سو مسئله‌‌لری اوزره مودیری بیلدیریب کی، اسفند آیینا قدر بنددن سویون بوراخیلماسی پلانی یوخدور.
سویوق بولاق بندی‌نین نومینال توتومو ۱۹۷ میلیون متر مکعب دیر، فایدالی توتومو ایسه ۱۷۲ میلیون متر مکعب دیر کی، بو دا شهری ایچمه‌لی سو ایله تعمین ائتمکله یاناشی، بو شهرین ۱۲ مین هکتاردان چوخ اکینچیلیک ساحه‌‌‌سینی ده احاطه ائدیر.
