رادیو و تلویزیون قورومونون کئچمیش آپاریجیسی آزاده نامداری حیاتینی ایتیردی
رادیو و تلویزیونون کئچمیش آپاریجیسی «آزاده نامداری»نین جسدی ائوینده تاپیلدی. مهر خبر آژانسی بیلگیلی بیر قایناغا دایاناراق، اؤلومونون نه‌دنی‌نین «اینتیحار» اولدوغونو بیلدیردی.
«فارس» خبر آژانسی ۱۴۰۰-جو ایل فروردین آیینین ۷-سی، شنبه گونو آخشام بو آپاریجی‌نین جسدی‌نین تهرانین باتیسینداکی سعادت‌آباد بؤلگه‌سینده تاپیلدیغینی بیلدیردی.
مهرین راپورونا گؤره، آزاده نامداری‌نین آناسی اولدوغونو ادعا ائدن بیر قادین، تعجیل یاردیم خیدمتینه زنگ ووراراق بانکا کارتییلا قاپینی زورلا آچیب ائوه گیردیگینی و قیزی‌نین جانسیز بدنی ایله قارشیلاشدیغینی بیلدیردی.
بو رادیو و تلویزیون آپاریجیسی‌نین عائله‌‌‌سی‌نین چالوسدا اولدوغو و بیر نئچه گون تک قالدیغی و آتاسی‌نین تعجیل یاردیم خیدمتینه زنگ ووردوغو دئییلیر.
هله هئچ بیر یئتکیلی اؤلن شخصین کیملیگینی بللی ائتمه‌ییب و اونون نئجه اؤلدویو ایله ایلگیلی الده بیلگی یوخدور.
ایسلام جمهورییتی رادیو تلویزیونو دا بو آپاریجی‌نین اؤلوم خبرینی ۲۰:۳۰ خبر بؤلومونده دویوردو.
۱۳۶۳-جو ایلین آذر آییندا آنادان اولان آزاده نامداری ائولیدیر و کیچیک بیر اوشاغی وار.
iranwire
