خوی شهرینده‌کی ولیعصر بؤلگه‌سینده ۲ چادیر یانیب
دونن بازار گونو، ۱۶ بهمن ۱۴۰۱-جی ایل، گونورتا ساعتلاریندا خوی شهرینده‌کی ولیعصر بؤلگه‌سینده ایکی عاجیل دوروم یاشاییش چادیری یانیب و بو حادثه‌‌‌ده ایتکی یوخدور.
بو واختا قدر بو حادثه‌‌‌نین سببی باره‌ده کسین بیلگی یوخدور.
آیریجا شنبه گونو حؤکومت خبر آژانسلاری خوی شهری‌نین فیرورق شهرینده باش وئرمیش زلزله سونوجوندا ۸۰ یاشلی آنا و ۵۵ یاشلی اوغلونون چادیرین ایچریسینده کؤموردن ایستیفاده سونوجوندا گازدان بوغولاراق اؤلدویو بیلدیریلدی.
آیریجا ۱۰۰-دن چوخ زلزلهدن ضررچکن اینسان خوی‌دا چادیرلاریندا گازدان بوغولاراق زهرله‌نیب. بئله کی، نئفت-ولور توستوسوندن زهرلنن ۳ اوشاق قیزیل آی چالیشانلاری طرفیندن قورتاریلیب.
خوی زلزله‌‌‌سینده ۳ نفر اؤلوب، مینه یاخین اینسان یارالانیب. باتی آذربایجان ایالتینده‌کی خوی شهری‌نین مینلرله ساکینی اؤز ائولریندن دیدرگین دوشوب و سون گونلر درج اولونان شکیللر اونلارین یاردیملاردان ناراضیلیغینی گؤستریر.
زلزلهدن سونرا ایلک گون سوسیال شبکه‌لرده ایران حؤکومتی‌نین یاردیم آلماق اوچون توپلاشان زلزله قوربانلارینا سو سپدیغینی و ایغتیشاشلارا قارشی کوجلردن ایستیفاده ائتدیگینی گؤسترن شکیللر و ویدئولار یاییملانیب.
