حبس ائدیلن تورک رپر میلاد جلیلی‌نین اینستاگرام صفحهسی باغلانیب ۱۴ آذر ۱۴۰۲
تبریزلی رپر میلاد جلیلی (ایلشن) حبس اولوندوغو گوندن ایندییه‌دک حبسده‌دیر و حبسده اولدوغو مدتده عائله‌‌‌سی ایله بیر دفعه قیساموددتلی تلفون دانیشیغی اولوب و اینستاگرام صفحهسی ده باغلانیب.
۱۳ آذر گونو بو تورک رپرین اینستاگرام صفحهسی “بو صفحه سوچ ایچریکلی پستلار یایدیغی اوچون محکمه اورقانی‌نین قراری ایله باغلانیب” باشلیغی ایله اله کئچیریلیب بوتون یازیلاری سیلینیب.
میلاد جلیلی (ایلشن) بو ایل ۷ آذرده حبسده اولان تورک مدنی فعاللارا دستک مقصدیله رپ ماهنیسی ایفا ائتدیگی اوچون فتا پولیس قوه‌لری طرفیندن حبس ائدیلیب و بلیرسیز یئره آپاریلیب.
آیریجا، سون گونلر بیر قروپ آذربایجانلی رپر تورکچه رپ ایفالاری ایله ایلشنه دستکلری‌نین یانی سیرا حبسده اولان باشقا محبوسلارا دا اؤز دستکلرینی بیلدیریبلر.
