تورک مدنی فعال بهزاد خدابنده لو جزا اؤدمه‌یه محکوم ائدیلیب
تورک مدنی فعال بهزاد خدا بنده لو قوشاچای اینقیلاب محکمهسی طرفیندن یالان یایماق ایله اتهام اولوناراق نقدی جزا اؤده‌مه‌یه محکوم ائدیلیب.
جناب خدابنده‌لویا قارشی ایره‌لی سورولون اتهاملارا باخیلماق اوزره بو فعالین محکمهسی ۶ تیرده قوشاچای (میاندو آب) شهری‌نین اینقیلاب محکمه‌‌سینده کئچیریلیب.
قوشاچای شهری‌نین اینقیلاب محکمه‌‌سینده بو آذربایجانلی فعال، یالان یایماق و ایسلام جمهورییتی رژیمینه قارشی تبلیغات آپارماقلا باغلی اتهام ائدیلمیشدی.
جناب خدا بنده لو رژیمه قارشی تبلیغات اتهامیندان براعت قازانیب.
بو حؤکم قوشاچای (میاندواب) اینقیلاب محکمهسی طرفیندن جناب خدابندهلونون وکیلینه بیلدیریلمیشدیر.
مدنی فعال بهزاد خدابندهلونون ایستینطاق اوتورومو دونن ۱۴ اسفند ۱۴۰۲-جی ایلده قوشاچای (میاندواب) شهری عومومی و اینقیلاب ساوجیلیغی‌نین اوچونجو شؤبه‌سینده کئچیریلیب و محکمه‌یه قدر ۳۰۰ میلیون تومنلیک گیروو قارشیلیغیندا سربست بوراخیلیب.
بوندان اؤنجه ۲۹ بهمن گونو گوونلیک گوجلری بهزاد خدابندهلونون یاشادیغی آتا ائوینه باسقین ائدیب و او ائوده اولمادیغی اوچون حبس ائده بیلمه‌ییبلر و ائوده آختاریش آپاریبلار.
Iranwire
