تورک/آزربایجان آکتیویستی یاقوب خدایی آرامیزدان کؤچدو
ایکی گون بوندان اول، خالقیمیز، وطن سئور ائولادلاریندان، یاقوب خدایی (سازاخ) نی ایتیرمیشدیر. باخمییاراق کی یاقوب خدایی (سازاخ) ایران ایسلام جمهوریتی نین باسقی سیاستلرینین نتیجه سینده ائویندن- اوباسیندان دیدرگین دوشه رک آوروپا/ هلند یئرلشمیشدیر، آمما او هئچ زامان اؤز خالقی نین سعادتی و پارلاق گله جه یی اوچون فعالیت دن دایانمامیشدیر.
یاقوب بئی خدایی ایران دا یاشایان تورک خالقی نین میللی- دئموکراتیک حاقلاریندان چالیشقانجا مودافعه و خصوصن ایران گلوبال سیته سینده فیکیر و قلمی ایله آکتیوجه ایشتراک ائتمیشدیر.
یاقوب بئی خدایی سون آیلاردا آغیر خسته لییه یاخالانماسی اوچون، گونده لیک فعالیت لریندن اوزاق قالمیشدیر و سون خبره گؤره ایکی گون بوندان اول بو ده یرلی، بؤیوک و شهامت لی اینسانیمیز آرامیزدان کؤچ ائمیشدیر.
آزربایجان دئموکراتیک بیرلییی – بیرلیک یاقوب بئین ایتگیسی اوچون اونون ده یرلی آعیله باش ساغلیغی دیله ییر و یاقوب بئین صمیمی و چالیشقان خاطیره سین هر زامان آنیلماسین آرزولاییر.
آدی و خاطیره سی اونودولماز اولسون
آزربایجان دئموکراتیک بیرلییی – بیرلیک
20210224
