تهران گوونلیک پولیسی بیر قادینین زوراکیلیقلا ساخلانیلدیغی ویدئویا تپکی وئردی
تهران گوونلیک پولیسی‌نین رئیسی، تهراندا بیر قادینین توتولماسی زامانی پولیسین چوخ شدتلی سالدیری‌سینین ویدئوسونون یاییلماسینا تپکی وئره‌رک، سوچلو مامورلارا قارشیلیق وئریله‌جه‌یینی سؤیله‌دی.
۲۱ مهر ۱۴۰۰-جو ایل چارشنبه گونو سوسیال مئدیادا بیری قادین اولماقلا ایکی پولیسین بیر قادینی پولیسین ون اتومبیلینه مینمیی زورلادیغی و باشی‌نین اتومبیلین گؤوده‌سینه ديدیگی بیر ویدئو یاییملاندی.
“پیام کاویانی”، یئری و ساعتی بیلینمه‌ین ویدئونو تصدیقله‌دی و ایران مئدیاسینا، تهران گوونلیک پولیسی‌نین “قئیری -ائتیک رفتاری قبول ائتمه‌دیگینی” سؤیله‌دی و “بو گؤروده، یئرسیز و ائتیک اولمایان رفتاری قبول‌ائدیلمزدیر ایفاده ائتدی“.
تهران گوونلیک پولیسی یئتکیلیسی زوراکیلیقلا ساخلانیلان قادینین طالعیینی آچیقلاماییب.
سون ایللرده بیر چوخ وطنداش پولیس زوراکیلیغی‌نین و قادینلارا قارشی ارشاد پولیسی‌نین ویدئولارینی یاییملادی و بعضیلری مانشئته چیخدی.
آنجاق بو شدتلی چاتیشمالار داوام ائدیر و قادینلار هر گون الامر بالمعروف والنهي عن المنكر آلتیندا ارشاد پولیسی، و شخصی گئییملی قوه‌لر طرفیندن زوراکیلیق و شدته معروض قالیرلار.
