تحصیل پولو اولمایان بیر اؤیرنجی مکتبینی اودا چکدی
کرج‌ده پولو اولمادیغی اوچون تحصیلدن قالان بیر لیسه اؤیرنجیسی دیگر اوچ یولداشی ایله بیرلیکده کئچمیش مکتبینی اودا چکدی.
بو 17 یاشلی اؤیرنجینین کیملیگی میثم اولارااق آچیقلانیب و عائله‌‌‌سی‌نین 3 میلیون تومان اولان تحصیل حاقینی اؤده‌یه بیلمه‌دیگی دئییلیر.
بو اؤیرنجینین معدلی 18.5 ایدی و عائله‌‌‌سی‌نین مادی پروبلئملری اونون هر هانسی بیر مکتبه گئتمه‌سینه مانع اولدو.
میثم دئییر کی، «من مکتب حاقی اوچون اوچ میلیون تومان اؤده‌مه‌لی اولدوم و عائله‌‌‌مده بو پول یوخ ایدی. بیر ایل مکتبه گئتمه‌مه‌یه مجبور قالدیم و حتی تحصیل مدرکلریمی دا آلا بیلمه‌دیم. بونا گؤره ده مکتب مودوروندن قیصاص آلماغا قرار وئردیم.»
میثمین یانغیندا ایشتیراک ائدن صینیف یولداشلاری دا توتوقلانیبلار.
میثم یولداشلاری‌نین «حقیقت جسارت»، آدلی بیر اویوندا محکوم اولدوقدان سونرا مکتبی اودا چکمکده اونا قوشولدوغونو ایضاح ائتدی.
کرج‌ده‌کی مطهری خیابانینداکی غیر انتفاعی مکتبی‌نین اودا چکیلمه‌سی آلتی میلیارد تومان زیانا سبب اولوب.
