تبریز درگیسی‌نین باش‌یازاری روزبه پیری توتوقلاندی
بیر مرداد 1399، چارشنبه گونو، تبریزده یاشایان مترجم و اؤیرنجی آکتیویست روزبه پیری آتاسی‌نین ائوینده تهلوکه‌‌‌سیزلیک قوه‌لری طرفیندن توتوقلاندی.
پیری‌نین عائله‌‌‌سی‌نین دئدیگینه گؤره، توتوقلانما سببی و هارا کؤچورولدویو باره‌ده دقیق بیلگیلری یوخدور.
آذربایجانلی آکتیویستین قارداشی شخصی اینستاگرام صفحه‌‌‌سینده تهلوکه‌‌‌سیزلیک قوه‌لری‌نین روزبه پیری‌نی توتوقلادیقلاری واخت هئچ بیر ایضاحات وئرمه‌دیکلرینی بیلدیردی.
روزبه پیری «تبریز» درگیسی‌نین باش‌یازاری و 1389-جو ایلده تبریز آزاد بیلیم‌یوردوندا قورولموش «نوید اعتدال» آدلی مستقل اؤیرنجی تشکیلاتی‌نین قوروجوسودور.
او، 1398 آبان اعتراضلاریندا ایشتیراک ائتدیگی اوچون اوچ آیلیق جزایا محکوم ائدیلمیشدی و بوندان ایکی هفته اؤنجه تبریز حبس‌خاناسیندان آزاد ائدیلمیشدی.
