«ایمام علی» درنگی‌نین باش مودورو حاقیندا توتوقلاما قراری چیخاریلدی
«ایمام علی» درنگی بو درنگین باش مودورو زهرا رحیمی حاقیندا توتوقلاما قراری‌نین چیخاریلدیغینی اعلان ائتدی.
بو درنگین توییترینین اعلان ائتدیگینه گؤره خانیم رحیمی، ۱۶ شهریور بازار گونو اوینده «شهید مقدسی» تهلوکه‌‌‌سیزلیک محکمه‌‌سینه چاغیریلدیقدان سونرا توتوقلاندی.
«ایمام علی» درنگی‌نین باش مودورونون سربست بوراخیلماسی «گیروو» تامین ائدیلمه‌سینه تابع‌دیر.
درنگین قوروجوسو شارمین میمندی‌نژاد، اؤنجه‌لر تهلوکه‌‌‌سیزلیک قوه‌لری طرفیندن توتوقلاناراق حبس‌خانایا گؤندریلمیشدی.
ایمام علی درنگی بو توتوقلامالار و عضولرینه قارشی تضییقلره اعتراض ائتدی.
بو اؤیرنجی درنگی سون ایللرده‌کی خیريه‌‌چیلیک فعالیتلری تهلوکه‌‌‌سیزلیک قوروملاری‌نین حساسلیغینا سبب اولموشدور.
