ایرانین عومومی نقلیاتی‌نین یوزده ۸۰ کؤهنه‌لیب ۲۲ خرداد ۱۴۰۳
ایسلام جمهورییتی‌نین ایکی یئتکیلیسی ایراندا عومومی نقليات واسطه‌لری‌نین و وطنداشلارین اتومبیللری‌‌نین اؤنملی درجه‌‌‌ده کؤهنلدیگینی آچیقلاییب. ایندی کوچه‌لرده یئددی میلیون کؤهنلمیش اتومبیل وار و اجتماعی نقليات واسطه‌لری‌نین کؤهنلمه پایی اورتالاما یوزده ۸۰-دیر.
چئوره قوروما تشکیلاتی‌نین هاوا و ایقلیم ديَیشیکلیگی مرکزی‌نین رئیسی داریوش گل‌علیزاده دئییب کی، حاضردا اؤلکه‌ده ۲۷ میلیون اتومبیل دوریه‌‌ددیر کی، بونون دا ۷ میلیونو “کؤهنلمیشدیر”.
بازار ائرته‌سی هاوا چرکلیلیگینی آزالتماق اوچون تشکیلاتلارین گیریشیمی نومایشی موناسیبتیله کئچیریلن مراسیمده گل‌علیزاده عینی مسئله‌نی وورغولایاراق دئییب کی، ایراندا هاوانی چرکلندیرن ماده‌‌لرین بؤیوک بیر حیصه‌‌‌سی اتومبیللرله باغلیدیر.
بو یئتکیلی وورغولاییب: اورتیلن اتومبیللرین بیر حیصه‌‌‌سی حوردا برگه‌سی اساسیندا اورتیلمه‌لیدیر و اتومبیل اورتیجیلری بو قانونو حیاتا کئچیرمه‌لیدیرلر.
داها اؤنجه بعضی قایناقلار ایراندا ۱۳۸۴-جو ایلدن ۱۳۹۸-جی ایله قدر ایکی میلیوندان چوخ اتومبیلین حوردایا چیخدیغینی آچیقلامیشدی.
بو ساحه‌‌‌ده ان یوکسک ایستاتیستیکا ۲۸۰ میندن چوخ حوردایا چیخاریلان اتومبیل ایله ۱۳۹۳-جو ایله عاید اولوب.
Iranwire
