اوین حبس‌خاناسیندا ساخلانیلان ۲۲ قادین سیاسی محبوس محبوسلارا قارشی ”جینسی قیسناما“نین دایاندیریلماسینی ایسته‌ییب
اوین حبس‌خاناسیندا ساخلانیلان ۲۲ سیاسی و ویجدان محبوس مکتوب یایاراق بیر سیرا محبوسلارین اوستونده آختاریشلار زامانی اونلارا قارشی “جینسی قیسناما”یا سون قویولماسینی و اونلارا قارشی قویولماسینی ایسته‌ییبلر.
اونلار بو مکتوبدا یئتکیلیلرین تپکی وئرمه‌دیگی تقدیرده اعتراض آکسییاسی کئچیره‌جکلرینی آچیقلاییبلار.
بو مکتوبو ایمضالایان سیاسی و ویجدان محبوس قادینلار قئیری عرف اوست آختاریشلارینا و بیر سیرا محبوسلارین بدنی آختاریش زامانی جینسی تعجیزه معروض قالماسینا اؤز کسکین اعتراضلارینی بیلدیریبلر.
مؤوجود دوروما باخمالارینی ایسته‌دیکلرینی بیلدیره‌رک، حاکیميت بونا تپکی وئرمسه، اعتراض آکسییالاری کئچیره‌جکلرینی وورغولاییبلار.
سروناز احمدی، آنیشا اسداللهی، سمانه اصغری، ریحانه انصاری‌نژاد، گلرخ ایرایی، سکینه پروانه، ناهید خداجو، نسرین خضری جوادی، راحله راحمی‌پور، ویدا ربانی، نسرین روشن، نسیم سیمیاری، سعیده شفیعی، مهوش شهریاری، پخشان عزیزی، سعیده قربانعلی، نرگس محمدی، وریشه مرادی، پریوش مسلمی، معصومه نساجی، حورا نیکبخت، مریم یحیوی، بو مکتوبو ایمضالاییبلار.
ایران‌دا قادین محبوسلارین جینسی تعجیزه معروض قالماسی مسئله‌‌سی سون ایللرده دفعه‌‌لرله خبرلرده یئر آلیب.
بو ایل ۲۹ خرداد گونو حبسده اولان نوبل باریش اؤدولونو قازانان نرگس محمدی حبسده اولان قادینلارا قارشی جینسی تعجیز و زوراکیلیق فاکتلارینی ایفشا ائتدیگی اوچون اینقیلاب محکمه‌‌سینده یئنی پرونده ایله اوزلشیب و حبس ائدیلیب.
