افشار محب گوونلیک اورقانلاری‌نین تضییقی ایله ایشدن چیخاریلیب
تورک مدنی فعال افشار محب ایمچه مدنی فعالیتینه و آرتا نمین صنایع‌سی‌نین ایشچیلری‌نین آکسیاسینا دستک وئردیگینه گؤره ایشیندن قووولوب.
بو مدنی فعال ۱۶ تیر ۱۴۰۳-جو ایل، شنبه گونو تورک دیلینده «۱۷ ایل فابریکادا[کارخانادا] چالیشاندان سونرا منده باشقا اکتیولر کیمین ساختا و یالانچی اتهام لارلا ایشدن اخراج اولدوم، موباریزه یه داوام…»، یازاراق اینستاگرام صفحه‌‌‌سینده بیر حکایه‌‌ده گوونلیک اورقانلاری‌نین تضییقی ایله ایشیندن قووولدوغونو آچیقلاییب.
۲۹ خرداد گونو آرتا صنایع‌سی‌نین ایشچیلری آکسیایا چیخیب و فابریکدن نمین فرمانداری‌سینه اعتراض یوروشو ائدیب و فرمانداری قارشیسینا توپلاشاراق امک حاقلاری و قانونی بورجلارینی آلماغی طلب ائدیبلر
بو شرکتده ۱۷ ایللیک تجروبه‌سی اولان ایشچیلریندن بیری اولان افشار محب آکسیا و نمین فرمانداریسی قارشیسیندا اعتراض آکسییاسیندا ایشتیراک بهانه‌سی ایله گوونلیک قوروملاری‌نین تضییقی آلتیندا مدنی فعالیتینه گؤره ایشیندن قووولوب.
جناب افشار محب داها اؤنجه ده مدنی فعالیتینه گؤره چاغیریلمیش، ایشدن چیخاریلماقلا هده‌لنمیش و حبس ائدیلمیشدی و اردبیل شهری عومومی و اینقیلاب ساوجیلیغی‌نین ۳-جو ایستینطاق شؤبه‌سینه گؤندریلمیش، اونا قارشی اتهام ایره‌لی سورولموشدور و اردبیل حبس‌خاناسینا کؤچورولموشدو. او نهایت ۲۹ دی گونو ۵۰ میلیون تومن گیروو قویاراق اردبیل مرکزی حبس‌خاناسیندان آزاد ائدیلمیشدی.
Iranwire
