آمریکادا اینقیلاب کئشیکچیلری عضوونون جان بولتونا قارشی ترور گیریشیمی‌نین قارشیسی آلیندی
رویترز خبر آژانسی‌نین وئردیگی بیلگیلره گؤره، بو شخصین آدی شهرام پورصفی‌دیر و او، جان بولتونو دونالد ترامپ حؤکومتینده جمهورباشقانلیغی میلی گوونلیک اوزره موشاویری اولارکن اؤلدورمیی پلانلاشدیرماقدا اتهام اولونور.
بو راپوردا دئییلیر کی، شهرام پورصفی ۴۵ یاشیندادیر و مهدی رضایی آدی ایله ده تانینیر.
آمریکا مالیه ناظرلیگی‌نین وئردیگی بیلگیلره گؤره، بو اینقیلاب کئشیکچیلری عضوو واشنگتندا جان بولتونو اؤلدورمک اوچون بیر نفره ۳۰۰ مین دلار اؤده‌مه‌یه چالیشیب.
ایکی هفته اؤنجه آمریکانین نیویورک شهرینده آذربایجانلی جودوچو مسیح علینژادا قارشی ترور گیریشیمی ایله اتهام ائدیله‌رک حبس ائدیلیب. گؤرونن اودور کی، ایسلام جمهورییتی آمریکادا اؤز تنقیدچیلرینی ایسته‌نیلن یوللا ترور ائتمک نيتینده‌دیر.
اف بی آی بو شخصی آختاریشا وئریب و اونون شکیللرینی درج ائدیب. بو خبرین درجیندن سونرا آمریکانین کئچمیش میلی گوونلیک موشاویری جان بولتون اسکای نیوزا موصاحیبه‌سینده دئییب: ایران حؤکومتی‌نین قتله یئتیرمک نيتینده اولدوغو تک من دئییلم.
#ایران_خبرلری #جان_بولتون
