آزربایجانیمیز گینه ده زلزله دن کدرلی

تورک خالقی، باشین ساغ اولسون

آزربایجانیمیز گینه ده زلزله دن کدرلی

دونن آزربایجان گینه ده زلزله فلاکتینه معروض قالدی. بو فلاکت ده ایندیه دک گلن راپورلارا گؤره 6 انیسان جانین ایتیریب و یوزلرجه بو زلزله ده یارالانمیشدیرلار. میانا ایله سراب شهرلری چئوره سینده اولان شهر و کند لر، او جومله دن ترک و تورکمنچای شهرلری و اوونلیک، ایشله، بالسین، کیچیک و بؤیوک سوما، چاناق بولاق و ان چوخ دا ورنکش و ورزگان کندلری گئنیش واسیطه ده مادی خسارت لره آلمیشدیرلار. ایلکین راپورلارا گؤره آدین چکدیمیز شهر و کندلرده خالقین ائولری یخیلیب و یوزلرجه کند حئیوانلار، مال- داوارلار هلاک اولموشدرلار.

خبرلره گؤره، ایران دئولتینین یاردیمی زلزله ده زیان گؤرن و ائولری یخیلان اینسان لاری قیشین باشلانقیج عرفه سینده و آزربایجانین سویوخ هاوالارینده چادیرلاردا یئرلشدیریلمه لری دیققت چکیجی دیر. بو بؤلگه بیر نئچه ایل بوندان اول ده چوخ گئنیش بیر زلزله یه معروض قالمیشدیر. بونا باخمیاراق دئولتین زلزله بؤلگه لرینده و او جمله د آزربایجان دا بو فلاکتی اؤنله مک اوچون هئچ بیر ایش گؤرمه میش و هئچ بیر اؤنلم آلیجی بیر آلتدیم آلتمامیشدیر. باخمیاراق کی بو گونون مودئرن تکنولوژوسونا دایاناراق چوخ اوجوز واسیطه ایله زلزله یه قارشی ائولرین تیکیلمه سینه دئولت طرفیندن بیر تشبوث گؤستریلیردی.

گئچن یوز ایلیین تجربه سی و بیر یونیتار مرکزچی فارس دئولت چیلیی، پهلوی لری و اینده ده ایران ایسلام جمهوری سی، یونه تیم فورمالاریندا، میلیاردلار دولار ایرانین بودجه سینده اؤلکه نین ایچینده صرف ائتمه یه هئچ بیر چابا گؤستریلمه میشدیر. سون اون ایللرده ایران دئولتینین لبنان، عراق، سوریه، یمن و … یاتیردیغی سرمایه لر ایرانین ایچینده  یاتیریردیسه، ایندی بلکه تورک خالقی زلزله قارشیسیندا بو قدر کدرلی اولمازایدی. بو دیققت سیزلیک و توتارسیزلیق غیرفارس خالق لارا و او جمله دن تورک خالقینا گلدیکده قات قات گئنیش دیر. بو حقیقتی فارس بؤلگه لری ایله غیرفارس بؤلگه لرین ایقتصادی یاتیریملاری جهتیندن قیاس ائدیرسک چوخ چارپیجی شکیلده گؤره بیله ریک.

بیز، آزربایجان دئموکراتیک بیرلییی،- بیرلیک ده بونا اینانیریق کی خالقیمیز اؤز موقدراتینا حاکیم اولمویانا قدر و بیر دئموکراتیک فئدرال سیستمیندن  اؤز بؤلگه لرینده قرار وئریجی بیر دوروما گلمه ینجه، دوغال و یا سوسیال سیاسی فلاکت لر تورک خالقینین باشیندان آزالمییاجاقدیر. بو طلب و موباریزه نی دوام ائده رکن ،  خالقیمیزین و آزربایجانین باشینا گلن زلزله فلاکتینی اوزونتو ایله قارشیلایب، خلاقیمیزا باشین ساغ اولسون دئییریک، و بو ساحه ده الیمیزدن گلن یاردیم لاردان اسیرگه مه یه جه ییک.

آزربایجان دئموکراتیک بیرلیی- بیرلیک

20191108