سايير حركتلر

بیرلیک،ین سون حادیثه لر اوچون بیاناتی

tabrizتورک میللتی نین ایکینجی قیامی باشلانمیشدیر

گئچن گونلرده، ایران دئولتی نین رسمی تلویزیاسینین ایکینجی کانالیندان یایلان "فیتیله" آدلی پروقیرامدا تورک میللتینه قارشی چیرکین و آشاغیلایجی بیر کامپانیا آپارماسی گونئی آزربایجان دا و تورک لر یاشایان شهر و کندلرده گئنیش رئآکسیالار و ائعتراضچی یوروشله ره نه دن اولموشدور.

 

ایران دئولتی نین تورک له ره قارشی آسیمیلاسیون سیاستی گئچن 90 ایلده، فرقلی یؤن لرده و فرقلی سویه لرده آمان سیز گرچکله شدیرمه چاباسیندا بولونموشدور. آسیمیلاسیون سیاستی نین آیریلماز بیر بؤلومو ایران دا تورک میللی کیملیگین دانماق، و تورک لری شیددت، اهانت و آیری سئچگیه معروض قویموشدور. آسیمیلاسیون سوره جی گئچن ایکی اون ایلده آزربایجان دا میللتیمیزین میللی ماراق لارینا سؤکنن موباریزه سی ایله دایاندیریلمیش و آزربایجان دا گئنیش ائعتیراضچی آکسیالارا یول آچمیش دیر.

 

 

ایران دئولتی نین رسمی لری، او دئولتین مئدیا و یا رادیو، تیلویزیاسی ایرقیچی و آنتی تورک پروپاقاندالارین یایلماسیندا ان اؤنملی رول اولموشدور. 1385نجی ایلین ایکینجی آیین دا دئولتین ایران آدلی رسمی قازئته سینده تورک له ره قارشی بیر آشاغیلایجی کاریکاتور یایلدی. بو کاریکتاتوردا (چه کنیم که سوسکها سوسکمان نکنند) تورک لر بؤجه یه (سوسک آ) بنظه تیلمیش و چیرکین بیر دیلده اونلارین حاقیندا یازیلمیشدیر. بو کاریکاتورون یایلماسی یالنیز آزربایجان دا دئیر، بلکه عموم ایران دا تورک میللتی نی آیاغا قالخیزمیش و تورک لر یاشایان بؤلگه لرده گئنیش بیر بیچیمده ائعتیراض اوچون یورویوشلر گرچکلشمیشدیر. بو یوروشلر، 1324نجی ایلده آزربایجان حکومتی قورولاندان سونرا، تورک لرین میللی حاقلارینین طلبینده بیرینجی چوخ گئنیش و توپلومسال حرکت سایلیب و تورکلرین بیرینجی میللی قیامی آدلاندیریلمیشدیر. بو قیام ایران دئولتی نین سرکوب ماشینینی واسیطه سی ایله سوسدولورموشدور.

 

سون گونلرده (آبان آیی نین 15ده) گینه ده ایران دئولتی نین ایرقیچی و آنتی تورک کامپانیاسی نین دوامی ایران ین ایکینجی رسمی تلویزییا کانالینین دان بیر اوشاق پروقیرامیندا مئیدانا چیخمیش دیر. بو پروقیرامدا گویا تورکلر توالت فیرچاسی ایله دیشلرین یووارمیشلار دئیه چوخ آشاغیلایجی بیر کامپانیایا اه ل قویولموشدور. آمما بو کامپانیا ایرانین مرتجع و ایرقیچی حاکمیتی نین دوشوندونلرینه رغمن میللتیمیزی چوخ سرعت له آبان آی نین 18ده ائعتیراض اوچون مئیدانلارا چیخارتمیشدیر. تورک اینسانی آزربایجانین شهرلرینده چوخ گئنش ائعتیراز آکسیالاری گرچکلشدیرمیش و توپلومسال به حرکت ده بو گئنش ائعتیراض لاری ایله تورک میللتی نین ایکینجی دفعه اولاراق بیرگه و بیرلیک ده حرکت ائتمک له هم میللتیمیزین آییق و آیدیلیغین نمایش ائتدیرمیش و هم ده بو میللتین میللی حاقلارین و او جمله دن تورک دیلی نین رسمی اولماسی و تورک دیلینده تحصیل آلماق حاقینی آیدینجا خالق شعارلارینا مئیدانا قویموشدورلار.

 

سون گونلرده گرچکله شن ائعتیراضچی یوروش لر تورک میللتی نین گونئی آزربایجان دا ایکینجی گئنیش قیامی نی بیر رئآل تابلو کیمی هم ایچه ریده و هم خاریجده نمایش ائتدی.

 

بیرلیک، غرورلا میللتیمیزین بو قیامی، ایکینجی میللی قیام کیمی میللت یمیزه تبریک دئییب، اونو آلقیش لاییر و خالقیمیزین میللی ماراقلارینین تامین اولماسی اوچون بو قیامین هر بیر شیوه و یا دوزگون تاکتیک لرله دوام ائتمه سینی بیر ضرورت بیلیر.

 

یاشاسین گونئی آزربایجان ئدا تورک خالقی نین میللی دئمکراتیک  قیامی

گونئی آزربایجان میللی دئمکراتیک بیرلی یی- بیرلیک

20151110