سايير حركتلر

مهر آینین بیری، مدرسه لرین آچیلیشی موناسیبتی ایله بیانات

آزربایجان دا اوشاق لار هانکی دیلده تحصیل آلمالیدیرلار؟

 

turk diliمهر آینین بیری، مدرسه لرین آچیلیشی گونو یاخین لاشیر. اوشاقلار مدرسه باشلایشینین سئوینجی و استرسی ایله گون گئچیریرلر و اؤزلرین تحصیل آلماغا حاضیرلاییرلار. فارس دیللی اوشاقلار مدرسه باشلایشین هیجان و

 سئوینج ایله گئچیریرلر و مکتب ده آنا دیللرینده تحصیل آلیرلار. آمما تاسفله میلونلار غیرفارس اوشاق  و او جمله دن نئچه میلیون تورک دیللی اوشاق  ایران دولتی نین غیرفارس دیللره ضید اولان سیاستی اساسیند، تحصیلی آنا دیل لری، تورکجه ده یوخ، بلکه اونلارا  بیگانه بیر دیلده، یعنی فارس جا دا تحصیل آلماق مجبوریتنده قالیرلار. بو غیرعادیلانه وضعیت ایللر بویو گئچن 80 ایلده غیرفارس اوشاقلار ایران سیاسی جغرافیاسیندا تحمیل اولموشدور.

 

 

یالنیز بیر اینسانجیل دوشونوش، بین الخالق اینسان حاقلاری بیانامه سی و یا یالنیز بین الخالق آنا دیلی اعلامیه سی یئترلیدیر کی هر بیر اوشاق دونیانین هر بیر بوجاغیندا یاشییرسا، او اوشاق اؤز آنا دیلینده تحصیل آلماق حاقینا مالیک اولسون. آمما تاسف لر اولسون کی ایرانین دولت سیاستی غیرفارس اوشاقلارین آنا دیللرینده تحصیل آلماق حاقینا قارشی دورور و حتتی آنا دیلینده تحصیل آلماق حاقیندان مدافعه ائدنلری حبس ائدیر. بو گون گونئی آزربایجانین مدنی محبوس لاری ایران دولتی نین بو چرکین رفتارینا بیر آیدین فاکت دیر. 

 

آنا دیلینده تحصیل آلماغا قاداغان قویماق، یالنیز اوشاقلاردان آنا دیلینده تحصیل آلماق حاقینی آلمیر، بلکه بو سورجده (پروسس ده) غیرفارس اوشاغین تورک دیللی اولماسی اوچون اونلارا تحقیر و اهانت اولونور. تورک اوشاق لاری پسیکولوژیک باخیمدان سیخینتی و سارسینتییا معروض قالیرلار و حتی سوسیال و اقتصادی یؤنده غیرفارس بؤلگه لرین ایره لیله مه سینه انگل تؤره نیر. بوگون غیرفارس بوگللرله فارس بؤلگه سینین سوسیال و مدنی گلیشمه سی درین فرقلری هر بیر بیلیملی اینسانین گؤزونه چارپیر. 

بو همده انا گوره دیر کی‌ تحصیلی‌ ترک ائتمک و سوادسیزلیق  محض اله آنا دیلیندن محروم اولماق سببی اوزوندن غیری فارس نقطهٔ لرده چوخدور. بو بیر بین الخالق گوستریجیدیر کی‌ عمومییت له‌ سوادسیزلیق  ان چوخ آنا دیلیندن محروم اولان قیسیملرده قید الونور.

گونئی آزربایجان دا و عموم ایران دا یاشایان تورک لر، آتا لار و آنا لار تورک دیلینین رسمی بیر دیل اولماسی طلبین هر بیر مدنی واسیطه ایله ایران دولتی نین قولاغینا چاتدیرمالیدیرلار. اوشاق لاریمیزین تورک دیلینده تحصیل آلماق حاقی ینونده مبارزه ائتمک بوگون هر بیر آزربایجان تورک اینسانینین گؤره وی سایلیر. اوشاق لاریمیز حقارته معروض قالماماغی اوچون، اونلار پسیکولوژیک یؤنده زیان گؤرمه سینلردئیه و آزربایجاندا یاشایان اینسانین باشی اوجا و اؤز گونج ایله یاشاماغی اوچون آنا دیلینده تحصیل آلماق بوگون کی آزربایجانیمیزین ان جیددی مسئله لرینده سایلیر. بونا گؤره ده هر بیریمیز آنا دیلینده تحصیل آلماق حاقینی چوخ گئنیش واسیطه ده  میللتیمیزین آراسیندا یالماق و آزربایجانین مدنی حرکاتی نین اؤره ینه ایشیق ساچماق هر بیر آزربایجان تورکینه بیر وظیفه سایلیر.  

 

تاسفله بوگون آزربایجان دا اوشاقلاریمیز تعزیق آلتیندان فارس دیلینده اوخوماق مجبوریتینده دیرلر. بیرلیک بو مجبوریتی بین الخالق راضی‌ لاشمالارو کنوسیالارا اساسن بیر مدنی و نهایت دٔه بیر اتنیکی - میللی سوی قیریم کیمی‌ بیر جینایت اکتی کیمی‌ تانییر  و بو حاقسیزلیغی قالدیرماق اوچون تورک میللتی ایله برابر موباریزه ائدیر. بیرلیک بو واسیطه ایله، تورک دیلی نین رسمی لشمه سی و او دیلده تحصیل آلماق حاقینی هر بیر تورک اینسانا ایلکین حاق تانییر و بو حاققین گرچکشمه سی اوچون موباریزه آپاریر.

گونئی آزربایجان میلی‌ دمکراتیک بیرلیگی- بیرلیک

2015-09-17